ဂျာကာတာပိုစ့်၏ စိန်ခေါ်သံနှင့် ဘလင်ကန်ဖြေရှင်းမယ့် မြန်မာ့အရေး

သတင်းတွေက ဆက်စပ်နေတယ် ။ အရှိန်လည်းရလာတယ် ။ ပြီးခဲ့တဲ့ ၃ ရက်လောက်က ကုလအဖွဲ့ကို မြန်မာနိုင်ငံဟာ ဒီမိုကရေစီလမ်းကို မဖြစ်မနေ ပြန်လည်လျှောက်လှမ်းဖို့ အမြန်ဆုံးစီစဉ်ပါလို့ အမေရိကန်က တိုက်တွန်းလိုက်တယ် ။

မနေ့က ကုလသတင်းမှာတော့ စစ်ကောင်စီဟာ ၆ လကြာအာဏာသိမ်းပြီးတဲ့နောက် ၊ မြန်မာရဲ့အခြေအနေဟာ အဆိုးဘက်ကို ဦးတည်နေပြီ ၊ မဖြစ်မနေ ဖြေရှင်းရတော့မယ်လို့ ဆိုလိုက်တယ် ။

လူ့အခွင့်အရေးကောင်စီက မြန်မာစစ်တပ်ဟာ ရာဇဝတ်မှု့တွေ ဆက်လက်ကျူးလွန်နေတယ်လို့ ကြေငြာလိုက်တယ် ။ဒီေ န့သတင်းမှာတော့ ၊ အမေရိကန်နိုင်ငံခြားရေးဝန်ကြီး ဘလင်ကန်ရဲ့ အရှေ့တောင်အာရှခရီးကို ရှင်းပြထားပါတယ် ။ သြဂုတ်လ ၂ ရက်ကနေ ၆ ရက်နေ့အထိ ကျင်းပမယ့် အာဆီယံအစည်းအဝေးကို ဘရူနိုင်းနိုင်ငံက တာဝန်ယူကျင်းပမှာပါ ။ မဲခေါင်းမြစ်ဝှမ်း နိုင်ငံများ အစည်းအဝေးဖြစ်ပေမယ့် ၊ မြန်မာ့အရေးကိုလည်း အထူးပြဿနာအနေနဲ့ ဆွေးနွေးမှာပါ ။

ဒီအစည်းအဝေးကို တရားသူကြီးအနေနဲ့ တက်ရောက်မယ့်သူက အမေရိကန်နိုင်ငံခြားရေးဝန်ကြီး ဘလင်ကန်ပါ ။ သူ့ရဲ့ခရီကို” အာဆီယံတရားရုံးနှင့် တွေ့ဆုံခြင်း “လို့ အမည်ပေးထားပါတယ် ။ အထူးဧည့်သည်တော်အနေနဲ့ စစ်ကောင်စီရဲ့ ကိုယ်စားလှယ်ကိုလည်း ဖိတ်ကြားထားပါတယ် ။

” အာဆီယံကို ဘာ့ကြောင့် ဆက်နွယ်နေရသလဲ ” ဆိုတဲ့ ရိုက်တာသတင်းထောက်ရဲ့ မေးခွန်းကို ဘလင်ကန် ပြန်ပြောခဲ့တာက” မြန်မာစစ်ဗိုလ်ချုပ်တွေရဲ့ မကောင်းတဲ့အပြုအမူတွေကြောင့် ငါတို့ အာဆီယံကို ပစ်ပယ်ထားလို့ မရသေးဘူး ” လို့ ပြန်ဖြေခဲ့တာပါ ။

ဘလင်ကန်လာခါနီးအချိန်မှာပဲ ဂျာကာတာပိုစ့် သတင်းဌာနက မာဇူကီဒါယုစမန် ( MARZUKI DARUSMAN ) ရဲ့ ဆောင်းပါးနဲ့ ဘလင်ကန်နဲ့ အာဆီယံနိုင်ငခေါင်းဆောင်တွေကို သတိပေးလိုက်ပါတယ် ။ ဆောင်းပါးအကျဉ်းချုပ်ကတော့

” မြန်မာရဲ့ အကျပ်အတည်းကို ဘယ်လိုတုန့်ပြန်မလဲ ။ဂျာကာတာအစည်းအဝေးမှာ မြန်မာစစ်ဗိုလ်ချုပ်တွေ ကတိပေးခဲ့တဲ့ အချက် ၅ ချက်ဟာ သုံးလကျော်ကြာသည်အထိ ထူးခြားမလာခဲ့ပါ ။မြန်မာရဲ့အခြေအနေဟာ သိသိသာသာ ဆိုးရွားနေတာပါ ။

လမ်းမတွေပေါ်နဲ့သုသာန်တွေမှာ ရုပ်အလောင်းတွေ စုပုံနေပါတယ် ။ အချက် ၅ ချက်ဟာ စာရွက်တစ်ရွက်ထက် ပိုမလာသေးပါဘူး။ကပ်ရောဂါဟာ တစ်နိုင်ငံလုံးကို ခြိမ်းခြောက်နေပါတယ် ။အချက် ၅ ချက်ထဲမှာ လူသားချင်းစာနာမှု့အကူအညီတွေ ပေးအပ်မယ်လို့ ကတိပေးထားပေမယ့် ၊ အောက်ဆီဂျင်တန်းစီစောင့်ဆိုင်းနေသူတွေကို ပစ်ခတ် ဖမ်းဆီးခဲ့ပါတယ် ။

အခုလာမယ့် အာဆီယံအစည်းအဝေးမှာလည်း ၊ မြန်မာနိုင်ငံကို အာဆီယံကိုယ်စားလှယ်လွှတ်ဖို့ အချိန်ဆွဲနေဦးမယ်လို့ ယူဆရပါတယ် ။ဒီအစည်းအဝေးမှာ အာဆီယံဟာ မြန်မာ့အရေးအတွက် ဘာဆက်လုပ်ရမယ်ဆိုတာ မသိသေးဘူးဆိုရင် အာဆီယံလုပ်ရမှာတွေက- မြန်မာပြည်သူများအတွက် အသက်ကယ် ၊ အကူအညီပေးဖို့ နယ်နိမိတ်တွေကို ဖွင့်လှစ်ထားပေးရမယ် ။

– ဒေသတွင်း ကျမ်းမာရေးအကူအညီ ဝန်ဆောင်သူများအား ဝင်ရောက်ခွင့်ပြုရမယ် ။- အကူအညီပေးသူတွေကို ဘေးကင်းလုံခြုံစွာ ထားရမယ် ။- အာဆီယံဟာ မြန်မာ့အရေးအတွက် အချိန်ဖြုန်းဖို့ မလိုတော့ပါဘူး ။

– ဒီကိစ္စတွေကို အာဆီယံဥက္ကဋ္ဌနဲ့ အတွင်းရေးမှုးက တာဝန်ယူရပါမယ် ။ဒါတွေကတော့ ဆောင်းပါးရှင်ရဲ့ အကြံပြုချက် ၊ တောင်းဆိုချက်တွေကို ကောက်နုတ်ထားတာပါ ။ ဆောင်းပါးရှင်ဟာ သာမန်စာရေးသူတစ်ယောက် မဟုတ်ပါဘူး ။ အာဏာသိမ်းပြီးချိန်ကတည်းက ” မြန်မာ့အရေးအတွက် အာဆီယံအကြံပေးကောင်စီကို တည်ထောင်သူပါ ။

ကောင်းပြီ ….။ မြန်မာ့အရေး ဘယ်လိုအခြေအနေရှိသလဲဆိုရင် ၊ ဒီမိုကရေစီကို မဖြစ်မနေ ပြန်လည်လျှောက်လှမ်းပါမယ် ။ ကုလသမဂ္ဂအဖွဲ့ကြီးက ကြိူးပမ်းနေသလို အမေရိကန်ကလည်း ထဲထဲဝင်ဝင် လှုပ်ရှားလာပါပြီ ။ သိတဲ့အတိုင်းပါဘဲ ။ ကမ္ဘာကြီးဟာ နိုင်ငံပေါင်းများစွာ တည်ရှိနေပေမယ့် ၊ ကမ္ဘာကြီးကို သွယ်ဝိုက်အုပ်ချုပ်နေတာက အမေရိကန်ပါ ။

ဓနအင်အား ၊ စစ်အင်အား ၊ နည်းပညာ ၊ ဥပဒေခိုင်မာတဲ့နိုင်ငံပါ ။ ဒီနိုင်ငံက မြန်မာ့အရေးကို အင်တိုက်အားတိုက် ပါဝင်လာတာဟာ မြန်မာပြည်သူတွေအတွက် အားရစရာကောင်းပါတယ် ။ ဘလင်ကန်ဟာ အာဆီယံတရားရုံးနဲ့ တွေ့ဆုံမယ်လို့ ပြောထားတာဟာလည်း စိတ်ဝင်စားစရာကောင်းလှပါတယ် ။
သုံးသပ်ရရင် …၊

ဘလင်ကန်ဟာ စစ်ကောင်စီကိုယ်စားလှယ်နဲ့ ပထမဆုံးအကြိမ် တွေ့ဆုံမှာပါ ။ တရားရုံးမှာ တရားသူကြိးတစ်ယောက်က စစ်ဆေးမေးမြန်းသလို အခြေအနေကို တူးဆွလိမ့်မယ်လို့ သုံးသပ်ရပါတယ် ။ စစ်ကောင်စီကို ညှိနှိုင်းမှု့တွေနဲ့ ခြေစမ်းနိုင်ပါတယ် ။

စစ်ကောင်စီကိုယ်စားလှယ်ရဲ့ လုပ်ပိုင်ခွင့်က မြန်မာ့ရှေ့ရေးကို ပုံဖော်ပါလိမ့်မယ် ။ ဒီအစည်းအဝေးရဲ့ အခြေအနေကိုကြည့်ပြီး အမေရိကန်ဟာ မြန်မာ့အရေးအတွက် ” နု မလား ၊ ကြမ်း မလား …” ဆိုတာတော့ ငွေရောင်ပိတ်ကားပေါ်မှာ ဆက်လက်ကြည့်ရှု့ကြပါစို့ …..။

ဘကြီးအောင် LA

  • Leave a Comment