Yangon Army အဖွဲ့တစ်နှစ်ပြည့် အထိမ်းအမှတ် ပြည်သူများကိုလက်ဆောင်ပေးသည့် အနေဖြင့် ရန်ကုန်မြို့ မှော်ဘီမြို့နယ်ရှိစစ်ကောင်စီလက်အောက် ခံ မြဝတီအသံလွှင့်ဌာနကို ၄၀ မမ သုံးလုံးဖြင့်တိုက်ခိုက်ခဲ့ကြောင်း ယင်းအဖွဲ့မှ တာဝန်ရှိသူက လူထုနွေဦးသို့ပြောသည်။
“တစ်လုံးကဂိတ်နားကျတယ်။ နှစ်လုံးက အထဲထိရောက်တယ်” ဟု ၎င်းကပြောသည်။
အဆိုပါစစ်ဆင်ရေးကို နိုဝင်ဘာ ၂၁ ရက် ညနေ ၅ နာရီ အချိန်ခန့်တွင် M79 လက်နက်ကြီးဖြင့်၄၀မမ (၃)လုံး ပစ်ခတ်ခဲ့ခြင်းဖြစ်ကြောင်း ၎င်းကဆိုသည်။
Yangon Army အဖွဲ့ကို နိုဝင်ဘာ ၁၀ ရက် ၂၀၂၃ တွင် စတင်ခဲ့ခြင်းဖြစ်ပြီး တစ်နှစ်အတွင်း မစ်ရှင် နှစ်ဆယ်ကျော် ပြုလုပ်နိုင်ခဲ့သည်ဟု အထက်ပါတာဝန်ရှိသူကပြောသည်။
“အရင်နှစ်ကထက်၂ဆပိုပြီးတိုက်ခိုက်သွားမယ်လို့ဘဲပြောချင်ပါတယ်..။ရန်ကုန်သားတွေကိုယ့်အိမ်ကိုပြန်ချင်ကြပြီဗျာ” ဟု ၎င်းကပြောသည်။
Yangon Army အနေဖြင့် စစ်ကောင်စီ မပြုတ်မချင်း အခြားပစ်မှတ်ကြီးများကိုဆက်လက်တိုက်ခိုက်မည်ဖြစ်ပြီး ပြည်သူများအနေဖြင့် စစ်ကောင်စီနှင့် ပတ်သက်သောနေရာများကို ရှောင်ကြရန် သတိပေးထားသည်။
(ရန်ကုန်မြို့ ၊မှော်ဘီမြို့နယ်ရှိ စစ်တပ်ပိုင်မြဝတီ အသံလွှင့်ဌာနထံ အာဏာသိမ်းခေါင်းဆောင် ၂၀၂၃ စက်တင်ဘာလ ၆ ရက်တွင်သွားရောက်
ကြည့်ရှုစဥ်။ဓါတ်ပုံ- မြဝတီ )
ဆက်လက်ဖတ်ရှုရန်
