Author: Ka K

“စာဖတ်နေသူကြီးသန်းရွှေနဲ့ ဒဲ့ညိပြီးမင်းအောင်လှိုင် သတင်းထူးပြီ…အားလုံး ဝမ်းသာရတော့မယ်” ဆက်လက်ဖတ်ရှုရန်

ဧရာဝတီတိုင်းမ် အောက်တိုဘာ ၂၄ ရက် ဧရာဝတီတိုင်း၊ မြန်အောင်မြိုနယ်တွင် အသက် ၃၅ နှစ်မှ ၆၅ နှစ်အတွင်းရှိသူများကို အောက်တိုဘာ ဒုတိယပတ်ကစတင်ပြီးစစ်သင်တန်းတက်ရန် မဲနှိုက်ခိုင်းနေကြောင်း ဒေသခံများထံက သိရသည်။ လက်ပံကွင်းကျေးရွာအုပ်စုတွင် ကျေးရွာ ခြောက်ရွာရှိပြီး စစ်ကောင်စီခန့် ရပ်ကျေးအုပ်ချုပ်ရေးမှူး ဦးဇော်မိုးအောင်က ပြည်သူ့လုံခြုံရေး စစ်သင်တန်းတက်ရမည်ဟုဆိုကာ မဲနှိုက်ခိုင်းခဲ့ခြင်းဖြစ်သည်ဟု ဒေသခံများကပြောသည်။ ထို့ပြင် မြန်အောင်မြို့နယ်၊ ထိန်သေးကြီးအုပ်စုတွင်လည်း ပြည်သူ့လုံခြုံရေး စစ်သင်တန်းတက်ရမည်ဟုဆိုကာ မဲနှိုက်ခိုင်းခဲ့သည်ဟု ဒေသခံများကဆိုသည်။ “ဘယ်သူမှ စစ်သင်တန်းတက်ဖို့ မလိုက်ချင်ကြဘူး၊ ဒါကြောင့် အတင်းအကျပ်တွေ မဲနှိုက်ခိုင်းပြီး သင်တန်းတက်ဖို့ တပ်ထဲကို သွားခိုင်းတာ။ ရပ်ရွာလုံခြုံရေးအတွက်လို့တော့ ပြောတာပဲ” ဟုလက်ပံကွင်းအုပ်စုရှိ ဒေသခံအမျိုးသားတစ်ဦးက ဧရာဝတီတိုင်းမ်ကိုပြောသည်။ အဆိုပါ အသက် ၃၅နှစ်မှ ၆၅နှစ်အတွင်း ရှိသူများကို ကျေးရွာအုပ်စု၊ ရပ်ကွက်၊ လုံခြုံရေးအတွက်တာဝန်ယူရမည်ဟုပြောဆိုကာ မဲနှိုက်ခိုင်းပြီး မဲပေါက်သူများမှာ မြန်အောင်မြို့ ခလရ ၅၁ တပ်ရင်းတွင် စစ်သင်တန်းတက်ရမည်ဖြစ်သည်။ ပြီးခဲ့သည့် ဩဂတ်လအတွင်းကလည်း ဧရာဝတီတိုင်း၊ သာပေါင်းမြို့နယ်ရှိ ကျေးရွာတစ်အုပ်စုလျှင် လူအယောက် ၇၀ ကို ပြည်သူ့လုံခြုံရေးထမ်းဆောင်ရမည်ဟုဆိုကာ စာရင်းတောင်းယူခဲ့ကြောင်း ဒေသခံများထံက သိရသည်။ စစ်ကောင်စီသည် ၎င်းတို့ စစ်ရှုံးနေမှုကို ထိန်းချုပ်၍ ကျန်ဒေသများကို ကာကွယ်နိုင်ရန် ပြည်သူ့ လုံခြုံရေးနှင့် အကြမ်းဖက်နှိမ်နင်းရေး ဗဟိုကြီးကြပ်ကွပ်ကဲမှု အဖွဲ့ကိုဖွဲ့စည်းပြီး အသက် ၃၅ နှစ်မှ ၆၅ နှစ်အတွင်းရှိသူ အမျိုးသားများကို စစ်သင်တန်းပေးကာ လက်ရှိဆင်နွှဲနေသည့် တိုက်ပွဲများနှင့် ကိုက်ညီသော လက်နက်၊ စစ်ပစ္စည်းများ တပ်ဆင်ပေးမည်ဟု ထုတ်ပြန်ထားသည်။ စစ်ကောင်စီသည်…

သွားတော့လို့ စစ်သားက ပြောလိုက်ချိန်မှာ ဘာကိုမှ မစဉ်းစားတော့ဘဲ၊ နောက်ကြောင်းလည်း လှည့်ပြန်မကြည့် တော့ဘဲ စစ်ကြောင်းနဲ့ဝေးနိုင်သမျှ မြန်မြန်ဝေးအောင် ဦးမောင်ဘ(အမည်လွှဲ) သုတ်ချေတင်ဖြစ်ခဲ့တယ်။ စစ် ကြောင်းနဲ့ဝေးပြီး အတော်လှမ်းလှမ်းနေရာရောက်တော့ မြန်မြန်ရွာဘက်ဆီရောက်အောင်မပြေးရုံတမယ် လျှောက် လာဖြစ်ခဲ့တယ်။ “ ကျနော်က အသက် ၈၀ ကျော် အမေအိုကြီးကို လုပ်ကျွေးနေရတာပါ။ ကျနော့်ကို ပြန်လွှတ်ပေးပါလို့ အဲဒီထဲက စစ်သားတစ်ယောက်ကို တောင်းပန်ပြီး ပြန်လွတ်လာတာ”လို့ စစ်အုပ်စုတပ်ဖွဲ့ရဲ့ ဖမ်းဆီးခံရပြီးနောက် အဓမ္မစေ ခိုင်းခံခဲ့ရာက ပြန်လွတ်လာတဲ့ အခြေအနေနဲ့ ပတ်သက်ပြီး ဦးမောင်ဘက ပြန်ပြောပြပါတယ်။ ဦးမောင်ဘက ဘုတလင်မြို့နယ် စိုင်ပြင်လေးကျေးရွာသားတစ်ဦးပါ။ စစ်အုပ်စုက စိုင်ပြင်လေးကျေးရွာကို ဝင် ရောက်မီးရှို့ ဖျက်ဆီးပြီးနောက် စစ်ကြောင်းပြန်အထွက်မှာ ဖမ်းဆီးခံရပြီး ဘုတလင်မြို့ပေါ်အထိ ခေါ်ဆောင်သွားခံခဲ့ရတာ ဖြစ်ပါတယ်။ မုံရွာမြို့ အနောက်မြောက်တိုင်း စစ်ဌာနချုပ် (မုံရွာ-နမခ) က ထွက်လာတဲ့ အင်အား ၈၀ ခန့်ရှိတဲ့ စစ်အုပ်စု စစ် ကြောင်းဟာ အောက်တိုဘာလ ၉ ရက်မှာ ဘုတလင်မြို့ပေါ်ကို ရောက်လာပြီး ဘုတလင် မြို့ပေါ်ရပ်ကွက်တွေနဲ့ မြို့ အနီးဝန်းကျင် ကျေးရွာတွေကို စီးနင်းကာ ပြည်သူတွေကို အကြောင်းမဲ့ ရက်ရက် စက်စက်သတ်ဖြတ်ခဲ့သလို ဓား စာခံ အဖြစ် ဖမ်းဆီးခေါ်ဆောင်တာတွေလည်း လုပ်ဆောင်ခဲ့တာဖြစ်ပါတယ်။ အဲဒီစစ်ကြောင်းဟာ အောက်တိုဘာလ ၁၂ ရက်မှာ ဘုတလင်မြို့ ဗန္ဓုလ ကွက်သစ်ရပ်ကွက်ထဲက ကုန်စုံဆိုင် ပိုင် ရှင် အပါအဝင် မိသားစုဝင် ခြောက်ဦးကို ဖမ်းဆီးသတ်ဖြတ်ခဲ့သလို မြောက်ကြည်ရွာက…

သတင်းကြည့်ရန် ပြင်ဦးလွင်မှ နောင်ချိုသို့ ရှေ့တိုးသောစစ်ကောင်စီတပ် အထိနာပြီးပြန်ဆုတ်သွား ဒီးဒီ/People’s Spring ပြင်ဦးလွင်မြို့နယ် ဝက်ဝံကျေးရွာအထိုင်စခန်းမှ နောင်ချိုမြို့နယ်အတွင်း ရှေ့တိုးလာသော စစ်ကောင်စီတပ် တော်လှန်ရေးတပ်ဖွဲ့များကတိုက်ခိုက်ရာ အထိနာပြီး နောက်ပြန်ဆုတ်သွားကြောင်း နောင်ချိုမြို့နယ်ပြည်သူ့ကာကွယ်ရေးအဖွဲ့(ပကဖ)မှ ရဲဘော်တစ်ဦးက ပြောသည်။ ပြင်ဦးလွင်မြို့နယ် ဝက်ဝံကျေးရွာ၌ အထိုင်ချတပ်စွဲထားသော စစ်ကောင်စီတပ်သားများသည် တအာင်းတပ်မတော်(TNLA)သိမ်းပိုက်ထားသော နောင်ချိုမြို့နယ်အတွင်း အောက်တိုဘာ ၂၂ရက်က စစ်‌ကြောင်းထိုးဝင်ရောက်လာရာ TNLAဦးဆောင်သော တော်လှန်ရေးတပ်များက တားဆီးတိုက်ခိုက်ခဲ့ခြင်းဟု နောင်ချိုပကဖမှ ရဲဘော်က ပြောသည်။ စစ်ကောင်စီတပ်စစ်ကြောင်းသည် အောက်တိုဘာ ၂၂ရက်က နောင်ချိုမြို့နယ် ဘန့်ဘွေးရွာနှင့် ဂန့်ဂေါကျေးရွာကြား၌ နယ်ကျွံဝင်လာ၍ တော်လှန်ရေးအဖွဲ့များက တိုက်ခိုက်ရာ စစ်ကောင်စီတပ်သား ၅၀ခန့်အထိ သေဆုံးခဲ့သည်ဟု နောင်ချိုပကဖမှ ရဲဘော်က လူထုနွေဦးသို့ ပြောသည်။ ” ကျွံလာတာ။ သူတို့ ရှေ့မတိုးရဲတော့ဘူး။ ဒီနေ့ ငြိမ်နေတယ်”ဟု ၎င်းက ပြောသည်။ ဂန့်ဂေါရွာအနီးတိုက်ပွဲနှင့်ပတ်သက်ပြီး TNLAထံ ဆက်သွယ်မေးမြန်းရာ ဆက်သွယ်၍ မရသေးပေ။ စစ်ကောင်စီတပ် သေဆုံးမှုနှင့် ပတ်သက်ပြီး လူထုနွေဦးက သီးခြားအတည်ပြုချက် မရသေးပေ။ စစ်တက္ကသိုလ်များရှိရာ ပြင်ဦးလွင်မြို့နှင့် (၁၆)မိုင်ခန့်သာဝေးသော နောင်ချိုမြို့နယ် ဘန့်ဘွေးကျေးရွာအုပ်စုရှိ ဂန့်ဂေါကျေးရွာအနီး၌ တအာင်းတပ်မတော်(TNLA)နှင့် စစ်ကောင်စီတပ်တို့သည် အောက်တိုဘာ ၁၉ရက်ကတည်းက စတင် ထိတွေ့တိုက်ပွဲ ဖြစ်ပွားခဲ့သည်။ စစ်ကောင်စီတပ်က နောင်ချိုမြို့နယ် ဂန့်ဂေါရွာ၊ အုမ္မသီးကျေးရွာ လမ်းခွဲနေရာအထိစစ်ကြောင်းထိုးလာ၍ တိုက်ပွဲဖြစ်ပွားခြင်းဟု ပြင်ဦးလွင်မြို့ခံတစ်ဦးက ပြောသည်။ လက်တလောတွင် ပြင်ဦးလွင်မြို့အတွင်း တည်ငြိမ်နေပြီး ည ၇နာရီနောက်ပိုင်းတွင် မြို့တွင်း နေရာအချို့၌ စစ်ဆေးမှုရှိကြောင်း ပြင်ဦးလွင်မြို့ခံတစ်ဦးက ပြောသည်။ ”…

နပခ တိုင်းစစ်ဦးစီးမှူးအဆင့် အပါအဝင် အကြီးအကဲအချို့ ပြင်းထန်ဒဏ်ရာရပြီး စာသင်ကျောင်းတွင် ဆေးကုသမှုခံနေရ ဓါတု မဇ္ဈိမ။ ။ အမ်းမြို့နယ်တွင် ဖြစ်ပွားနေသည့် တိုက်ပွဲများအတွင်း အနောက်ပိုင်းတိုင်း စစ်ဌာနချုပ်(နပခ) ရှိ တိုင်းစစ်ဦးစီးမှူး( စစ်ဦးစီး ပထမတန်း – G1)အဆင့် အပါအဝင် အကြီးအကဲ အချို့ ပြင်းထန်ဒဏ်ရာရရှိပြီး မြို့နယ်တွင်းရှိ စာသင်ကျောင်းအတွင် ဆေးကုသမှုခံယူနေရကြောင်း သိရသည်။ တိုက်ပွဲအတွင်းအပြန်အလှန်ပစ်ခတ်မှုကြောင့် စစ်ဆေးရုံမှာထိခိုက်ပျက်စီးသွားသဖြင့် ၎င်းတို့အပါအဝင် ဒဏ်ရာရ အောက်ခြေတပ်သားအများစုမှာ နပခမှ နှစ်ဖာလုံ အကွာရှိ အ.ထ.က(၂) စာသင်ကျောင်းတွင်ဆေးဝါးကုသမှုခံနေရခြင်းဖြစ်ကြောင်း တပ်တွင်းနီးစပ်သည့်သတင်းမြစ်က မဇ္ဈိမကိုပြောသည်။ “နပခထဲက တိုင်းစစ်ဦးစီးမှူး G1 အဆင့်အကြီးအကဲ တဦး၊ တပ်ရင်းမှူးတဦးရယ် သူတို့ကလက်နက်ကြီးအစထိလို့ ခန္ဓာကိုယ်ပိုင်း ဝမ်းဗိုက်ထိမှန်တာ စိုးရိမ်ရတယ်။ ၃၇၂တပ်ရင်းမှူးရဲ့ မျက်နှာက ဒဏ်ရာတော်တော်ပြင်းထန်တယ်။ သူ့ကိုဆို အနီးကပ်ပစ်တာ မိန်းကလေးတွေပစ်သွားလို့တဲ့ ခံပြင်းနေတယ်”ဟု၎င်းကဆိုသည်။ ပြီးခဲ့သည့် (အောက်တိုဘာလ ၂၁ရက်)က အာရက္ခတပ်တော်(AA) ဘက်မှ နပခအနီး ဂေါက်ကွင်းတွင် တပ်စွဲထားသည့် စစ်ကောင်စီတပ်ဖွဲ့နှင့် နပခဌာနချုပ်အနီးရှိ အမြောက်တပ် (၃၇၄) ကို အာရက္ခတပ်တော် (AA) က လက်နက်ကြီးများဖြင့် တရစက်ထိုးစစ်ဆင်တိုက်ခိုက်ခဲ့ရာ နပခအတွင်းသို့ လက်နက်ကြီးကျရောက်ပေါက်ကွဲမှုများရှိခဲ့ခြင်းကြောင့် အကြီးအကဲအချို့ ထိခိုက်ဒဏ်ရာရရှိခဲ့ခြင်းဖြစ်သည်။ ထို့နောက် ကုသမှုခံယူနေဆဲ ခမရ (၃၇၂) မှ တပ်ရင်းမှူး ဒုဗိုလ်မှူးကြီး မောင်မောင်ချိုသည် စက်တင်ဘာ ၂၆ ရက်က အမ်းနှင့်မဲတောင်တိုက်ပွဲတွင် ဒဏ်ရာအပြင်းအထန်ရရှိခဲ့သောကြောင့် စစ်ဆေးတပ်တွင် ကုသမှုခံယူနေရာမှ ၎င်းကိုယခုရက်ပိုင်းအတွင်း စာသင်ကျောင်းသို့ပြောင်းရွှေ့ခဲ့ခြင်းဖြစ်ကြောင်း တပ်တွင်းနီးစပ်သည့်သတင်းအရင်းမြစ်၏အဆိုအရသိရသည်။ အဆိုပါ အမှတ်(၂)အခြေခံပညာအထက်ကျောင်းသည်…

ဘုတလင်မှာ စစ်အုပ်စုက ၁၀ ရွာခန့် မီးရှို့၊ လူ ၂၀ ကျော် သတ်ဖြတ်ကာ ဆက်လက် ရွာစဉ်ပတ်မွှေ လူသတ်၊ လုယက်၊ မီးရှို့နေ စစ်ကိုင်းတိုင်း ဘုတလင်မြို့နယ် စီပါရွာကျေးရွာကို အောက်တိုဘာလ ၁၇ရက်မှာ စီးနင်းတဲ့ စစ်အုပ်စုက မပြေးနိုင်တဲ့ အဖိုးအိုနဲ့ စိတ်မနှံ့သူတွေ အပါအဝင် ဒေသခံ ခြောက်ဦးကို သတ်ဖြတ်ကာ တချို့ကို ခေါင်းဖြတ်ပြီး ခြံစည်းရိုးမှာ ချိတ်ဆွဲထားခဲ့တယ်လို့ ဒေသတွင်း သတင်းရင်းမြစ်တွေကပြောပါတယ်။ ဒါ့အပြင် စစ်အုပ်စုက အောက်တိုဘာလ ၁၇ရက် မနက်ပိုင်းက စလို့ တနေကုန်၊ တညလုံး မီးရှို့လို့ စီပါ ကျေးရွာအတွင်း နေအိမ် ၃၀၀ ခန့် ပြာကျပျက်စီးတယ်လို့ ဆိုပါတယ်။ “အသတ်ခံရတာက အမျိုးသား ခြောက်ဦးဗျ။ စိတ်မနှံ့တာက တယောက်ပါတယ်။ သုံးယောက်က ခြေဖြတ် လက်ဖြတ် အူနှုတ် ခေါင်းဖြတ်ပြီး ဝန်းထရံတွေမှာ ချိတ်ဆွဲပြီး ကျန်တဲ့ သုံးယောက်ကိုတော့ သေနတ်နဲ့ ပစ်သတ်ခဲ့တယ်။ နေအိမ် ၃၀၀ နီးပါးကိုလည်း မီးရှို့ထားခဲ့တယ်” လို့ ဘုတလင်မြို့နယ် ရပ်ကျေး အုပ်ချုပ်ရေးအဖွဲ့ – ပအဖ အဖွဲ့ဝင်တစ်ဦးကပြောပါတယ်။ အောက်တိုဘာ ၁၇ ရက် မနက်ပိုင်းမှာ ဘုတလင်နယ် တက်လှိုင်းရွာကတဆင့် စီပါရွာကို စစ်အုပ်စုက စီးနင်းကာ လူသတ်၊ လုယက်၊ မီးရှို့ပြီးနောက် အောက်တိုဘာလ ၁၈ ရက် မနက်ပိုင်းမှာ စီးပါရွာကနေ ဆယ်ဝရွာဘက် ထွက်သွားလို့ ဒေသခံတချို့ ရွာအတွင်း ဝင်ရောက်ကြည့်ရှု့စဉ် ခေါင်းဖြတ်ခံထားရတဲ့…

Missဝင်ပြိုင်နေတဲ့ သဲသဲကို Boycott လုပ်ဖို့ တော်လှန်ပြည်သူတွေကို အသိပေး Missဝင်ပြိုင်နေတဲ့ သဲသဲကို Boycott လုပ်ဖို့ တော်လှန်ပြည်သူတွေကို အောက်တိုဘာ၂၁ရက် စစ်အာဏာရှင်ဆန့်ကျင်ရေး ရန်ကုန်အင်အားစုက အသိပေးဆိုထားပါတယ်။ “Missတစ်ယောက်ဟာ နိုင်ငံ တစ်နိုင်ငံရဲ့ ဂုဏ်ဆောင်တဲ့။အဲ့လိုလူတစ်ယောက်ဟာ ကိုယ့်နိုင်ငံ့အရေး မပြောနဲ့၊ ကိုယ့်နိုင်ငံကို ဖျက်ဆီးနေတဲ့ – နိုင့်ထက်စီးနင်း အကြမ်းဖက်မှုတွေ၊ – – ရက်စက်စွာ သတ်ဖြတ်ခံရမှုတွေ၊ – – အပြစ်မဲ့ ပြည်သူတွေဆီကပါ အသက်၊ အိုးအိမ် လုယူ ဖျက်ဆီးမှုတွေနဲ့ ပတ်သက်လို့ တစ်ခွန်းမှ ဟမသွားတာဟာ နိုင်ငံတစ်နိုင်ငံရဲ့ ဂုဏ်လို့ ပြောရင် ဒီနိုင်ငံဟာ ဂုဏ်သိက္ခာမဲ့ရာ ကျသွားပါလိမ့်မယ်။ Miss နဲ့ နိုင်ငံရေး ဘာမှမဆိုင်ဘူးဆိုသူတွေကို မေးချင်တာက အဲ့ဒီ ပြိုင်ပွဲရဲ့ Concept & Moto (ဆောင်ပုဒ်) ဖြစ်တဲ့ ” Stop the War and Violence” ဆိုတာနဲ့ ဆက်စပ်ပြီး မြန်မာနိုင်ငံမှာ ဖြစ်ပျက်နေတာတွေကို ဘယ်ဘက်မှမပါဘဲတောင် Speak out ဘာလို့ လုပ်မသွားရတာလဲ”လို့ဆိုပါတယ်။ နိုင်ငံအတွက် ဘာအကျိုးပြုမှုမှမရှိဘဲ အချိန်တစ်ခုရောက်တဲ့အခါ ပြည်သူတွေဆီကပဲ ပိုက်ဆံတွေ သဲ့ယူသွားတဲ့ Organization နဲ့ Miss အပါအဝင် အားလုံးကို အပြင်းအထန် ရှုံ့ချတယ်လို့ စစ်အာဏာရှင်ဆန့်ကျင်ရေးရန်ကုန်အင်အားစုကဖော်ပြပါတယ်။ “ဒီလို အကျိုးမရှိဘဲ ပြည်သူတွေဆီကသာ အမြတ်ထုတ်နေတဲ့ပွဲတွေကြောင့် လူတွေကြားရောက်သင့်တဲ့ သတင်းတွေ ဘယ်လောက်တောင် အမှောင်ဖုံးနေခဲ့ပြီးပြီလဲ သတိပြုမိကြရဲ့လား။ မတရားမှုကို မျက်ကွယ်ပြုသူတို့ဟာ မတရားမှု…

Miss Grand International ပြိုင်ပွဲ၏ National Costume ပြိုင်ပွဲတွင် Stop The War စာတန်းကို ကိုင်ဆောင်ပြခဲ့သည့် ဟေတီအလှမယ် နှင့် စစ်ကောင်စီ၏ အကြမ်းဖက်မှုများကြောင့် အပြစ်မဲ့ပြည်သူများ နေ့စဉ်သေဆုံးနေရသော်လည်းနှုတ်ဆိတ်နေသည့် မြန်မာအလှမယ်ကို နှိုင်းယှဉ်ဝေဖန်နေသည်။ ယင်းပြိုင်ပွဲကို ထိုင်းနိုင်ငံ၌ ပြုလုပ်နေခြင်းဖြစ်ပြီး National Costume ပြိုင်ပွဲဝင်ဓာတ်ပုံများ တက်လာပြီးနောက်‌ မြန်မာအလှမယ်ကို ပိုမိုဝေဖန်နေခြင်းဖြစ်သည်။ “(​ဟေတီအလှမယ်)ကိုယ့်နိုင်ငံသူမဟုတ်ပေမယ့် အဓိပ္ပါယ်များစွာပါသော ၀တ်စုံဖြစ်လို့ လေးစားချစ်ခင်မိပါတယ်။ သူရဲ့မျက်နာဟန်ပန်ကကို အကူညီလိုအပ် မေတ္တာလိုအပ် ၊ မျှော်လင့် တောင်းဆိုနေတဲ့ မျက်နာဟန်ပန်ဖြစ်တယ်။အမှန်တကယ်ဆိုရင် ကိုယ့်နိုင်ငံကိုယ်စားပြုတဲ့ miss က နိုင်ငံရေးစိတ်မ၀င်စားဘူးဆိုရင်တောင် ဘယ်ဘက်မှမလိုက်ဘဲ့ စစ်ရေးကြောင့် ဒုက္ခရောက်နေတဲ့ စစ်ဘေးရှောင်တွေအတွက် Speak out လုပ်ပေးစေချင်ပါတယ်။”ဟု ဓာတ်ပုံများကိုနှိုင်းယှဉ်၍ ဖေ့စ်ဘွတ်ခ်အသုံးပြုသူတစ်ဦးကရေးသားထားသည်။ Miss Grand International ၏ ဆောင်ပုဒ်သည် “Stop The War and Violence” ဖြစ်သော်လည်း ပြည်တွင်းစစ်နှင့် ကြုံနေရသည့် နိုင်ငံနှင့်ပတ်သက်၍ မြန်မာအလှမယ်သည် နှုတ်ဆိတ်နေသောကြောင့် ယင်းကဲ့သို့ဝေဖန်ခံရခြင်းဖြစ်သည်။ သို့​သော် အသက် ၁၈ နှစ်အရွယ် မြန်မာအလှမယ် သဲစုငြိမ်းကို ရုပ်လှ၍ ၊ကြိုးစား၍ ၊​တော်၍စသည့်အ​ကြောင်းပြချက်မျိုးစုံဖြင့် အား​ပေး​နေသူအများအပြားလည်းရှိသည်။အနုပညာသတင်းများအသား​ပေး​ဖော်ပြ​နေ​သော အနုပညာအွန်လိုင်းမီဒီယာများက ထိုအလှမယ်ကို အဓိကအသား​ပေး​ဖော်ပြ​နေကြသည်ကို​တွေ့ရသည်။ “Miss နဲ့ နိုင်ငံရေး ဘာမှမဆိုင်ဘူးဆိုသူတွေကို မေးချင်တာက အဲ့ဒီ ပြိုင်ပွဲရဲ့ Concept & Moto (ဆောင်ပုဒ်) ဖြစ်တဲ့ ❝ 𝗦𝘁𝗼𝗽 𝘁𝗵𝗲 𝗪𝗮𝗿 𝗮𝗻𝗱…

စစ်ကောင်စီက စစ်မှုထမ်းရန် လူငယ် ၂၀၀၀၀ ကျော်ကို စုဆောင်း၍ တပ်သားသစ်ရရှိရေး ပုံစံ ၃ မျိုးဖြင့် လုပ်ဆောင်နေ အောက်တိုဘာ ၂၃ ရက် စစ်ကောင်စီက ၎င်းတို့အတွက် စစ်မှုထမ်းရန် လူငယ်အမျိုးသား နှစ်သောင်းကျော်ကို စုဆောင်းထားပြီး တပ်သားသစ် ရရှိရေးအား ပုံစံသုံးမျိုးဖြင့် လုပ်ဆောင်နေကြောင်း မြန်မာ့ရေးရာနှင့် ပဋိပက္ခလေ့လာရေးအဖွဲ့ (BACS) ထံက သိရသည်။ အာဏာသိမ်းပြီးနောက် ဘက်ပေါင်းစုံ ရှုံးနိမ့်လာသော စစ်ကောင်စီက ၎င်းတို့၏ တပ်အင်အား ပြုန်းတီးလာသည့်အတွက် စစ်မှုထမ်း ဥပဒေကို အသက်သွင်းခဲ့ပြီး လူငယ်များကို စုဆောင်းခဲ့ရာ လက်ရှိတွင် အမှတ်စဉ် ၆ အထိ ရောက်ရှိနေကြောင်း သိရသည်။ အဆိုပါဥပဒေဖြင့် တပ်သားသစ်စုဆောင်းမှုသည် အပတ်စဉ် တစ် မှ ငါးအထိ စုစုပေါင်းအင်အား ၂၁၀၀၀ ထက်မနည်း တွေ့ရှိရပြီး အပတ်စဉ် တစ်ခုအတွက် လူငယ် ၄၀၀၀ ကျော် ပုံမှန်စုဆောင်းခဲ့ကြောင်း BACS ပြောခွင့်ရ ကိုမင်းထက်အောင်က ဧရာဝတီတိုင်းမ်ကို ပြောသည်။ “အရင်ထက်ပိုပြီး အတင်းအဓမ္မ ဖမ်းဆီးခေါ်ဆောင်တာမျိုးတွေ ပိုလုပ်လာတယ်။ ဒါပေမယ့် ဒီလိုဖမ်းဆီး ခေါ်ဆောင်တာတွေကို လူမြင်ကွင်းမှာ အထိတ်တလန့်ဖြစ်အောင်၊ သတင်းမီဒီယာတွမှာ သတင်းပျံ့လာအောင် မလုပ်တော့ဘဲ ပိုသတိထားပြီး သိုသိုသိပ်သိပ် လုပ်လာတယ်” ဟု ၎င်းက ဆိုသည်။ ထိုမှသာ ထွက်ပြေးတိမ်းရှောင်သူများ နည်းလာမည်ဖြစ်၍ ယင်းနည်းလမ်းကို အဓိကထား သုံးလာသလို ၎င်းတို့ ထိန်းချုပ်ထားနိုင်သော ဧရာဝတီနှင့် ရန်ကုန်တိုင်းတို့မှ လူငယ်များအား စုဆောင်းပြီး ရှမ်းပြည်နယ်ရှိ သင်တန်းကျောင်းများသို့…