ဇန်နဝါရီ ၂၉ ၊ ၂၀၂၅ ရှမ်းပြည်နယ်မြောက်ပိုင်း လားရှိုးမြို့ကနေ ကိုးကန့်တပ်မတော် (MNDAA) ပြန်လည်ဆုတ်ခွာပေးဖို့ တရုတ်ရဲ့ဖိအားပေးမှုသတင်း ထပ်မံထွက်ပေါ်လာပေမဲ့ လားရှိုးဒေသခံတွေကတော့ ဒီအခြေအနေနဲ့ပတ်သက်ပြီး အတည်မပြုထားကြပါဘူး။ ဒီနေ့ ဇန်နဝါရီ ၂၉ ရက် လားရှိုးမြို့မှာ ကျင်းပတဲ့ တရုတ်နှစ်သစ်ကူးပွဲတော်ကို ဒေသခံတွေနဲ့အတူ မြောက်ပိုင်းမဟာမိတ်ညီနောင်တွေဖြစ်တဲ့ MNDAA ၊ TNLA ၊ AA တို့အပါအဝင် ကချင်လွတ်လပ်ရေးတပ်မတော် (KIA) ၊ “ဝ” ပြည်သွေးစည်းညီညွတ်ရေးတပ်မတော် (UWSA) နဲ့ မဟာမိတ်တပ်ဖွဲ့က တာဝန်ရှိသူတွေ ပူးပေါင်ပါဝင်ပြီး နှစ်သစ်ကူးပွဲတော်ကို ကျင်းပနေတာလည်း ဖြစ်ပါတယ်။ “ဒီကနေ့ထိတော့ ကိုးကန့်က နယ်မြေကိုပြန်ပေးဖြစ်မယ်ဆိုတာ မကြားရပါဘူး။ တရုတ်အစိုးရအနေနဲ့ရော စစ်ဘက်အုပ်စုအနေနဲ့ရော လားရှိုးဒေသကိုပြန်ရဖို့ ဖိအားအနေနဲ့ ပေးတာမျိုးတွေ ရှိနိုင်ပေမဲ့ လားရှိုးမြို့ဟာ လတ်တလော ကိုးကန့် ထိန်းသိမ်းနယ်မြေဖြစ်တယ်။ ပြင်ပဖိအား၊ တရုတ် ကြားဝင်ညှိနှိုင်းမှုခေါင်းစဥ်အောက်က မြန်မာ့အရေး ဝင်ရောက်စွက်ဖက်မှု၊ စစ်တပ်အင်အားစုအနေနဲ့ ညှိနှိုင်းရန်ကြိုးစားနေမှု အမျိုးမျိုးတို့ဟာ လက်ရှိမှာ ဖိအားအခြေအနေတစ်ခုထက်မပိုသေးသလို ဒေသပိုင်းပြန်လည်ပေးအပ်ဖို့ဆိုတာ မဆုံးဖြတ်နိုင်သေးတဲ့ ကိစ္စရပ်တစ်ခုဖြစ်ပါတယ်” လို့ လားရှိုးမှာရှိနေတဲ့ နိုင်ငံရေးအကျဉ်းသူဟောင်းတစ်ဦးကလည်း Burma VJ ကို ပြောပါတယ်။ ကိုးကန့်တပ်မတော် ထိန်းချုပ်ထားတဲ့ လားရှိုးမြို့ကို ရောက်ရှိလာတဲ့ ယူနန်ပြည်နယ် တရုတ်ကိုယ်စားလှယ်အဖွဲ့က “နှစ်သစ်ကူးပြီးရင် ပြန်ဆုတ်ပေးရမယ်” လို့ MNDAA ကို ပြောခဲ့တာနဲ့ပတ်သက်ပြီး ဘီဘီစီသတင်းဌာနက ဒီနေ့မှာ ရေးသားဖော်ပြထားတာလည်း ဖြစ်ပါတယ်။ ဒီအခြေအနေနဲ့ပတ်သက်ပြီး လားရှိုးမြို့ ပြန်လည်ထူထောင်ရေးအဖွဲ့ကို Burma VJ က ဆက်သွယ်မေးမြန်းထားဆဲ ဖြစ်ပါတယ်။…
Author: Ka K
People’s Spring မနက်ကိုးနာရီလောက်သာ ရှိသေးပေမယ့် မုံရွာမြို့ပေါ်လမ်းမတွေမှာ လူသွားလူလာကော ယာဥ်သွားယာဥ်လာပါ ရှင်းလင်းသွားခဲ့တယ်။ အရင်ကတော့ ညနေပိုင်းလောက်မှသာ လမ်းပေါ်လူရှင်းသွားတာဖြစ်ပေမယ့် အခုရက်ပိုင်းအတွင်းမှာတော့ မနက်ပိုင်းကတည်းက လမ်းပေါ်ခြောက်ကပ်တိတ်ဆိတ်သွားတာပါ။ အဲဒီလိုဖြစ်ရတဲ့အကြောင်းရင်းကတော့ မုံရွာမြို့ပေါ်မှာ စစ်ကောင်စီက စစ်မှုထမ်းဖို့ဖမ်းဆီးနေတာကြောင့် လူသွားလူလာမရှိတော့တာလို့ မြို့ခံတွေက ပြောပါတယ်။ “ဟေ့ကောင်ခဏ စစ်စရာရှိလို့ဆိုပြီး တားတယ်။ ရပ်လိုက်တာနဲ့အဲကောင်အပါပဲ။”လို့ အသက် ၂၉ နှစ်အရွယ် မုံရွာမြို့ခံ ကိုမင်း(အမည်လွှဲ)က ပြောပါတယ်။ တော်လှန်ရေးအားအကောင်းဆုံးတိုင်းတစ်ခုဖြစ်တဲ့ စစ်ကိုင်းတိုင်းမှာ စစ်ကောင်စီရဲ့ အနောက်မြောက်တိုင်းစစ်ဌာနချုပ်ဟာ မုံရွာမြို့မှာ အခြေစိုက်ပါတယ်။ စစ်ကောင်စီဟာ အာဏာသိမ်းပြီးကတည်းက မုံရွာမြို့ပေါ်မှာ ပြည်သူတွေကို ဖမ်းဆီးသတ်ဖြတ်တာတွေ အမြောက်အများ ပြုလုပ်ခဲ့ပါတယ်။ ၂၀၂၄ ခုနှစ်ထဲမှာ စစ်မှုထမ်းဥပဒေထွက်လာပြီးနောက်ပိုင်း လူငယ်တွေကို စစ်မှုထမ်းဖို့ ဖမ်းဆီးတာတွေ မကြာခဏ ရှိခဲ့တယ်။ အခု ၂၀၂၅ ခုနှစ် ဇန်နဝါရီလ နောက်ဆုံးပတ် ဇန်နဝါရီ ၂၅ ရက်က စပြီးတော့ မုံရွာမြို့ပေါ်မှာ ပြည်သူတွေကို တွေ့တာနဲ့ ဖမ်းဆီးနေတာကြောင့် ဘယ်သူမှအပြင်မထွက်ရဲကြတော့ဘူးလို့ မုံရွာမြို့ခံတွေက ပြောပါတယ်။ “ဒီနေ့နဲ့ဆို လေးရက်ရှိပြီဖမ်းတာ။ ကျွန်တော်တို့ရှေ့တင်ဆွဲတာက်ိုက ငါးယောက်တွေ့ဖူးတယ်။ တချို့ဆို ၇ ယောက် ၈ ယောက်။ ဆိုင်ကယ်တွေပါရင် ကားပေါ်တခါတည်းတင်သွားတာ။”လို့ မုံရွာမြို့ခံ ကိုမင်းက ဇန်နဝါရီ ၂၈ ရက်က ပြောပါတယ်။ စစ်ကောင်စီတပ်ဖွဲ့ဝင်တွေဟာ မုံရွာမြို့ပေါ်ကို ကားလေးစီးလောက်နဲ့ပတ်နေပြီး လူတွေ့တာနဲ့တခါတည်း ကားပေါ်တင်သွားတယ်လို့ မြို့ခံတွေက ဆိုပါတယ်။ တွေ့တဲ့လူတွေကို ပေါ်တာဆွဲတာမို့ စားဝတ်နေရေးအတွက် မဖြစ်မနေ အပြင်ထွက်ရတဲ့ အခြေခံလူတန်းစားတွေ တော်တော်ထိတယ်လို့ အခြားမုံရွာမြို့ခံတစ်ဦးကလည်း…
ဇန်နဝါရီ ၂၉၊ ၂၀၂၅ တရုတ်နိုင်ငံဟာ အမျိုးသားညီညွတ်ရေးအစိုးရ-NUG နဲ့ ဆက်ဆံရေးမှာ ပြည်သူတွေဆန္ဒအတိုင်း ဖြစ်မနေဘူးလို့ NUG နိုင်ငံခြားရေးဝန်ကြီးဒေါ် ဇင်မာအောင်က ဒီနေ့ ဇန်နဝါရီ ၂၉ရက်မှာ ပြောလိုက်ပါတယ်။ “ကျမတို့အိမ်နီးချင်းနိုင်ငံတွေ အထူးသဖြင့်တရုတ်အနေနဲ့ဆိုရင်တော့ ကျမတို့နွေဦးတော်လှန်ရေးကိုရော နောက်ပြီး ကျမတို့ NUG အစိုးရကိုရော ဆက်သွယ်ဆောင်ရွက်တဲ့နေရာမှာတော့ ပွင့်ပွင့်လင်းလင်းပြောရရင် ပြည်သူလူထုရဲ့ဆန္ဒအတိုင်း ဖြစ်မနေဘူး။ တကယ့် အစစ်အမှန်အခြေအနေကို ထင်ဟပ်ခြင်းမရှိတဲ့ သတင်းအချက်အလက်တွေပေါ်မှာ အခြေခံပြီးတော့ မြန်မာ့အရေးကို ဘေဂျင်းက ဆုံးဖြတ်နေတယ်၊ ဆုံးဖြတ်ချက်ချနေတယ်လို့တော့ ကျမအနေနဲ့ မြင်မိပါတယ်။ ဒါကြောင့်မို့ ကျမတို့ဘက်က engagement တွေ ဆက်သွယ်ဆောင်ရွက်မှုတွေကိုတော့ တဖက်သတ်ပင်ဖြစ်နေပါစေ ကျမတို့ တိုးပြီးတော့ဆောင်ရွက်နေတာတွေရှိပါတယ်” လို့ ဒီနေ့ပြုလုပ်တဲ့”အမျိုးသားညီညွတ်ရေးအစိုးရ နိုင်ငံခြားရေးဝန်ကြီးဌာန၏ သတင်းစာရှင်းလင်းပွဲ” မှာ NUG ဝန်ကြီး ဒေါ်ဇင်မာအောင်က ပြောပါတယ်။ တဖက်မှာလည်း နယ်စပ်က တိုင်းရင်းသားလက်နက်ကိုင်အဖွဲ့အစည်းတွေကို NUG နဲ့ ဆက်သွယ်ဆောင်ရွက်ခြင်းမပြုဖို့ဆိုပြီး ဖိအားပေးတဲ့ကိစ္စတွေလည်းရှိနေသလို တရုတ်အစိုးရရဲ့ ရှေ့နောက်မညီတဲ့ ချဉ်းကပ်မှုတွေကိုလည်း တွေ့မြင်ရတယ်လို့ ပြောပါတယ်။ “ကျမတို့ရုန်းကန်နေတဲ့ကိစ္စက ပြည်တွင်းရေးဖြစ်တယ်လို့ ရှေ့ပိုင်းမှာပြောပြီး အခုနောက်ပိုင်းကျတော့လည်း ပြန်ပြီးမြန်မာ့အရေးမှာ အတင်းကြီးကို ဝင်ရောက်စွက်ဖက်တဲ့ပုံစံမျိုးတွေ တွေ့ရတော့ ကျမအမြင်က တရုတ်အစိုးရ ဘေဂျင်းကိုယ်တိုင် မြန်မာ့အရေးကိုကိုင်တွယ်တဲ့နေရာမှာ consistent မဖြစ်ဘူး။ ရှေ့နောက်မညီတဲ့ချဉ်းကပ်မှုတွေနဲ့ ပိုပြီးတော့ဆောင်ရွက်လာနေတာကို ကျမတို့ မြင်ရတယ်။ ဒါက ဘာကိုပြနေလဲဆိုရင် မြန်မာ့အရေးကို သူဘယ်လိုကိုင်တွယ်ရမှန်းမသိ၊နေပြည်တော်က စစ်ခေါင်းဆောင်တွေကိုလည်း စိတ်တိုင်းကျနေသလားဆိုတော့ မကျဘူး။ ကိုယ်တိုင်ပဲ ဝင်ပြီးတော့ အခုဆိုရင် ကျားဖြန့်ကိစ္စလိုမျိုးမှာ ထိုင်းနဲ့ပေါင်းပြီးဆောင်ရွက်ဖို့လုပ်လာတာတွေ တွေ့ရတယ်”လို့ NUG ဝန်ကြီးက…
ဇန်နဝါရီ-၂၈-၂၀၂၅ TikTok ကို ဝယ်ယူဖို့ မိုက်ခရိုဆော့ဖ်ဟာ ဆွေးနွေးမှုတွေ လုပ်နေတယ်လို့ အမေရိကန်သမ္မတ ဒေါ်နယ်ထရန့်က ထုတ်ဖော်ပြောဆိုလိုက်ပြီး ဒီအက်ပလီကေးရှင်းကို ဝယ်ယူရေးမှာ အပြိုင်အဆိုင်တွေ မြင်လိုတယ်လို့ ဆိုပါတယ်။ အမေရိကန်ကုမ္ပဏီအများအပြားဟာ TikTok ကိုဝယ်ယူဖို့ အလွန်စိတ်ဝင်စားနေကြတယ်လို့ ထရန့်ကပြောပါတယ်။ အမေရိကန်အာဏာပိုင်တွေဟာ အမေရိကန်မှာရှိတဲ့ TikTok ရဲ့ လုပ်ငန်းတွေကို ရောင်းချဖို့ တရုတ်အခြေစိုက် ဘိုက်ဒန့်ကုမ္ပဏီကို ဖိအားတွေ ပေးနေခဲ့ပါတယ်။ သမ္မတဟောင်း ဂျိုးဘိုင်ဒင်ရဲ့ လက်ထက်မှာတော့ ဒီအက်ပလီကေးရှင်းကို ရောင်းချဖို့ သို့မဟုတ် အမေရိကန်မှာ ပိတ်ပင်ဖို့ တားမြစ်ခဲ့ပြီး အမေရိကန်သမ္မတအဖြစ် ဒေါ်နယ်ထရန့်တက်လာချိန်မှာတော့ ဒီတားမြစ်ချက်ကို အချိန် ၇၅ ရက်တိုးပေးခဲ့ပါတယ်။ TikTok ကိုဝယ်ယူရေးနဲ့ပတ်သက်ပြီး ကုမ္ပဏီအများအပြားဟာ ဆွေးနွေးနေကြပြီး လာမယ့် ရက် ၃၀ အတွင်း အက်ပလီကေးရှင်းရဲ့ အနာဂတ်အတွက် ဆုံးဖြတ်ချက်ချဖို့ မျှော်လင့်ထားကြောင်း ဒေါ်နယ်ထရန့်က ဆိုပါတယ်။ မိုက်ခရိုဆော့ဖ် တာဝန်ရှိသူတယောက်ကတော့ ခုချိန်မှာ ဒီကိစ္စနဲ့ပတ်သက်ပြီး မှတ်ချက်ပေးဖို့ မရှိသေးဘူးလို့ပြောပါတယ်။ တရုတ်အခြေစိုက် ဘိုက်ဒန့်ကုမ္ပဏီပိုင် TikTok အက်ပလီကေးရှင်းဟာ အသုံးပြုတွေရဲ့ အချက်အလက်တွေကို တရုတ်အစိုးရထံ မျှဝေနေတယ်လို့ အမေရိကန်အာဏာပိုင်တွေက စွပ်စွဲထားပြီး TikTok ကတော့ ဒီကိစ္စအပေါ် ကြိမ်ဖန်များစွာ ငြင်းဆိုထားပါတယ်။ Ref:BBC ရတီ(VOM)
People’s Spring မကွေးတိုင်း၊ယောဒေသတွင်း စစ်ရေးအရှိန်မြှင့်တော့မည်ဖြစ်၍ ပြည်သူများစစ်ဘေးအန္တရာယ်ကို ပြင်ဆင်ချိန်ရောက်ပြီဟု ယောကာကွယ်ရေးတပ်(YDF)က ယနေ့(ဇန်နဝါရီ ၂၉ ရက်)တွင် အသိပေးကြေညာသည်။ အာဏာသိမ်းစစ်ကောင်စီထံမှ မိမိတို့ပိုင်ဆိုင်သော နယ်မြေ၊ရပိုင်ခွင့်များနှင့် အခွင့်အရေးများအား ပြန်လည်ရယူနိုင်ရန် မြို့သိမ်းတိုက်ပွဲများဖော်ဆောင်ပြီး တိုက်ယူရမည့်အချိန်အခါဟု ယောကာကွယ်ရေးတပ် ဆိုသည်။ ပြည်သူများအနေဖြင့် တန်ဖိုးကြီးပစ္စည်းများ သေချာသိမ်းဆည်းရန်နှင့် စစ်ရေးကာလအတွင်း အခက်အခဲမရှိစေရန် ရိက္ခာဆေးဝါးများကြိုတင် ပြင်ဆင်ကြရန်လည်း YDF က တိုက်တွန်းသည်။ စစ်ရေးကြိုတင်ပြင်ဆင်ခြင်း အပါအဝင် ထုတ်ပြန်ချက်နှင့်ဆက်စပ်၍ YDF ထံသို့ လူထုနွေဦးက ဆက်သွယ်မေးမြန်းဆဲ ဖြစ်သည်။ ” ဂန့်ဂေါ၊ကျော၊ထီးလင်း၊ဆောနဲ့ ကျောက်ထုဆိုတဲ့ ယောငါးမြို့ကိုစုပေါင်းပီး Y D F ကိုစစ်တပ်အာ ဏာသိမ်းအစ နှစ်ကတည်းက ဖွဲ့ခဲ့တာ။ပြီးခဲ့တဲ့လ က ယောဒေသနဲ့ကပ်လျက်ရှိတဲ့ မင်းတပ်မြို့သိမ်းတိုက်ပွဲမှာ ပါဝင်တိုက် ခိုက်ခဲ့တယ်။လက်နက်အင်အားလည်း ကောင်းသလို စစ်ရေးအရ တိုင်းရင်းသားလက်နက် ကိုင်တချို့နဲ့ ပူးတွဲတိုက်ခိုက်နေတာရှိတယ်”ဟု ယောဒေသခံစစ်ရေးသတင်းရင်းမြစ်က လူထုနွေဦးသို့ ပြောသည်။ မြို့သိမ်းတိုက်ပွဲနှင့်အတူ ပြည်သူလူထုထောက်ပံ့ထည့်ဝင်သောငွေများကို စနစ်တကျ၊အလေအလွင့်မရှိကောက်ခံနိုင်ရန်လိုအပ်ပြီး ထိုငွေများသည် မြို့သိမ်းတိုက်ပွဲဆင်နွှဲမည့် တပ်ဖွဲ့များထံရောက်ရှိရန် လိုအပ်ကြောင်း အသိပေးသည်။ သို့သော် မြို့သိမ်းတိုက်ပွဲအကြောင်းပြ၍ ဂန့်ဂေါမြို့နယ်အတွင်းရှိ ပသုံးလုံးအဖွဲ့များ(ပအဖ၊ပကဖ၊ပလဖ)တို့၏ ငွေကြေးခွဲတမ်းကောက်ခံမှုများသည် တာဝန်ယူ၊တာဝန်ခံမှုမရှိဘဲ ပြုလုပ်နေသည်ကိုတွေ့ရှိရပြီး အချို့သောကျေးရွာများတွင် အဓမ္မငွေကြေး ကောက်ခံမှုပင်ရှိဟု ဆိုသည်။ ရပ်ကျေးအဆင့်အုပ်ချုပ်ရေးမှူးနှင့် ပြည်သူများက မြို့နယ် ပသုံးလုံးအဖွဲ့ကကောက်ခံသည်ဟု သိရှိထင် မြင်၍ မြို့နယ်ပြည်သူ့အုပ်ချုပ်ရေးအဖွဲ့-ပအဖ၊ ပြည်သူ့လုံခြုံရေးအဖွဲ့-ပလဖ၊ ပြည်သူ့ကာကွယ်ရေးအဖွဲ့-ပကဖ ထံဆက်သွယ် မေးမြန်းရာတွင် ၎င်းတို့က ကျေးရွာပြည်သူလူထု၏ သဘောဆန္ဒအလျောက် ကောက်ခံခြင်းဟုဆိုပြီး ၎င်းတို့အချင်းချင်းကြား ဘော်လီဘော ပုတ်၊လက်ညိိုးထိုး လွှဲချနေသည်မှာ…
မကွေးတိုင်း ၊ အထက်မင်းလှမြို့နယ်အတွင်း စစ်ကြောင်းထိုးပြန်လာသည့်ကား နှစ်စီးကို အနီးကပ်ပစ်ခတ်တိုက်ခိုက်ခဲ့ရာ စစ်ကောင်စီတပ်သား ၃၁ဦး သေဆုံးပြီး ခုနစ်ဦးဒဏ်ရာ ပြင်းထန်ရကြောင်း မကွေးတိုင်း ပြည်သူ့ကာကွယ်ရေး အဖွဲ့ (ပကဖ) အထူးလှုပ်ရှားတပ်ဖွဲ့ United States Of Burma Army (USBA) က ယနေ့ (ဇန်နဝါရီလ ၂၈ရက်) တွင်ထုတ်ပြန်သည်။ စုစုပါင်း စစ်ကောင်စီတပ်ဖွဲ့ဝင် ၄၉ ဦးလိုက်ပါစီးနင်းလာသည့် စစ်ကောင်စီကား နှစ်စီးကို လယ်လှကျေးရွာအနီး လမ်းပိုင်းတနေရာတွင် ယနေ့ မွန်းလွဲ ၁နာရီ ၂၈မိနစ် အချိန်တွင် စောင့်ကြိုတိုက်ခိုက်ခဲ့ခြင်းဖြစ်သည်။ တိုက်ခိုက်ခဲ့သည့် လမ်းပိုင်းမှာ အထက်မင်းလှမြို့နယ်အတွင်း အပြိုင်တည်ရှိသော သရက် – မင်းလှကားလမ်းနှင့် မုံရွာ – ပုသိမ်ကားလမ်းတို့အားဆက်သွယ်ပေးထားသည့် လမ်းဖြစ်သည်။ “အမှန်က သူတို့ကံကောင်းသွားတာ ။ ကျနော်တို့က ကားနှစ်စီးလုံးကို အပိုင်စီးဖို့ ပြင်ဆင်ထားတာပါ ။ အနီးကပ် ကားလမ်းဘေးကနေ ၁၀ပေဝန်းကျင်လောက်ကနေ ပစ်ခတ်ခဲ့တာ ။ ကျနော်တို့ဘက်က လက်နက်ကြီးကျည်တချို့မပေါက်ကွဲတာနဲ့ လက်နက်ငယ်တချို့ပစ်ခတ်နေချိန် ကျည်မထွက် ဂျမ့်ဖြစ်တာတွေကြောင့် သက်သာ သွားတာ” ဟု USBA တာဝန်ခံ ကိုဗဟိန်း က မဇ္ဈိမ ကိုပြောသည်။ ကားနှစ်စီးအနက် ပထမကားကို ကားနောက်ပိုင်းမှစပစ်ခဲ့ရသဖြင့် ကားမောင်းသူ ထိခိုက်မှုမရှိဘဲ နောက်မှလိုက်ပါသူများထိခိုက်သေဆုံးခဲ့ကြောင်းသိရသည်။ ထိုကားသည် မီတာ၇၀၀ခန့်တွင် နောက်မှလာသည့် စစ်ကားကိုရပ်စောင့်နေခဲ့ကြောင်း ၎င်းကဆိုသည်။ နောက်မှ လိုက်ပါလာသည့်စစ်ကားကို ထပ်မံစောင့်ဆိုင်းပစ်ခတ်ခဲ့ရာ ကားသမားမှာ ပြင်းထန်ဒဏ်ရာရေသာ်လည်း ကားဆက်လက်မောင်းနှင်သွားခဲ့သည်ဟု ၎င်းကဆိုသည်။ ထိုစစ်ကားနှစ်စီးဆုံပြီးနောက် စစ်ကောင်စီတပ်ဖွဲ့က ကာ၍ပြန်လည်ပစ်ခတ်ပြီး…
(မဇ္ဈိမ) ။ ။ အာရက္ခတပ်တော် (AA) သည် ရခိုင်ပြည်နယ်နှင့် ပဲခူးတိုင်းထိစပ်သည့် နယ်နိမိတ်နေရာ၊ ရခိုင်ရိုးမပေါ်မှ မိုးထိတောင် စစ်ကောင်စီစခန်းကို သိမ်းယူလိုက်နိုင်ပြီဖြစ်ကြောင်း ယမန်နေ့ (ဇန်နဝါရီ ၂၇ ရက်) တွင် ထုတ်ပြန်ကြေညာသည်။ AA နှင့်ပူးပေါင်းတပ်ဖွဲ့များသည် မိုးထိတောင် စခန်းကို သိမ်းယူနိုင်ရန် ငါးရက်ကြာ ထိုးစစ်ဆင်တိုက်ခိုက်ခဲ့ရပြီး ဇန်နဝါရီ ၂၆ ရက်၌ သိမ်းယူနိုင်ခဲ့ခြင်းဖြစ်သည်။ မိုးထိတောင်စခန်းသည် အခြေစိုက်စခန်းအမျိုးအစားမဟုတ်ဘဲ တောင်ပုံကြီးတိုက်ပွဲဖြစ်ပွားပြီးနောက် ပဲခူးတိုင်းဝင်ပေါက်တွင် မဆုတ်တမ်းခံစစ်အနေဖြင့် ပြင်ဆင်ထားသည့် တပ်စခန်းသာဖြစ်သည်ဟုလည်း CDM ဗိုလ်ကြီးဇင်ယော်ကပြောသည်။ ထို့နောက် AA ၏ ထိုးစစ်သည် ပဲခူးတိုင်းအနောက်ခြမ်း ပန်းတောင်မြို့နယ်ပိုင်နက် ညောင်ကျိုးကျေးရွာသို့ ရောက်ရှိနေပြီဖြစ်ကြောင်း ပဲခူးတိုင်းရှိ ပြည်သူ့ကာကွယ်ရေး စစ်ရေးသတင်းရင်းမြစ်ကပြောသည်။ AA သည် ညောင်ကျိုးကျေးရွာရှိ စစ်ကောင်စီတပ်စခန်းကို တိုက်ခိုက်နေခြင်းဖြစ်ပြီး ညောင်ကျိုးတပ်စခန်း၌ စစ်ကောင်စီဘက်မှ တောင်ပုံကြီးနှင့် မိုးထိတောင်မှ ပြန်လည်ဆုတ်ခွာလာသော စုပေါင်းအင်အားများ၊ ညောင်ခြေထောက်တပ်စခန်းများမှ ထုတ်နှုတ်အင်အားများ၊ ပြည်မြို့ဘက်မှ ပို့ဆောင်သည့် အင်အားများဖြင့် ခုခံနေခြင်းဖြစ်ကြောင်းလည်း သိရသည်။ ညောင်ကျိုးကျေးရွာသည် မိုးထိတောင်နှင့် ၁၀ မိုင်ခန့်ကွာဝေးသည်။ “ပန်းတောင်းမြို့နယ်ထဲက ညောင်ကျိုးစစ်ဆေးရေးဂိတ်ကိုတိုက်နေတယ်။ ပုဂံကွဲကျေးရွာစာသင်ကျောင်းကနေ (စစ်ကောင်စီဘက်မှ) လက်နက်ကြီးထုနေတယ်။ ပုဂံကွဲဆိုတာက ပန်းတောင်းမြို့နယ်ထဲကိုရောက်နေပါပြီ” ဟု ပဲခူးတိုင်းမှ PDF စစ်ရေးသတင်းရင်းမြစ်တဦးကပြောသည်။ ယခုတိုက်ပွဲဖြစ်ပွားလျက်ရှိရာ ညောင်ကျိုးကျေးရွာသည် ရခိုင်ပြည်နယ်ဘက်မှ ပဲခူးတိုင်းသို့ ဝင်လျှင် ပထမဆုံးတွေ့ရမည့် စစ်ကောင်စီ၏ စစ်လက်နက်ပစ္စည်းထုတ်စက်ရုံ ကပစ (၆) တည်ရှိရာ ညောင်ခြေထောက်ကျေးရွာနှင့် ၁၅ မိုင်ခန့်သာ ကွာဝေးသည်။ ထို့အတူ ညောင်ကျိုးနှင့်…
◾️နောက်ဆုံးလက်ကျန် မြို့အစွန်ရှိ ဂျပန်လှိုင်ဂူကုန်းအား စတင်ထိုးစစ်ဆင်တိုက်ခိုက်နေဟု အသိပေး People’s Spring စစ်ကိုင်းတိုင်း၊ အင်းတော်မြို့အား သိမ်းပိုက်ထားပြီဖြစ်ပြီး မြို့အစွန်ရှိစစ်ကောင်စီတပ်စွဲထားသော ဂျပန်လှိုင်ဂူကုန်းတစ်ခုသာ ကျန်နေရာ အဆိုပါနေရာအား သိမ်းပိုက်ရန် ယမန်နေ့က စတင်ထိုးစစ်ဆင်တိုက်ခိုက်ခဲ့ကြောင်း အမှတ်(၁)စစ်ဒေသကွပ်ကဲရေးအဖွဲ့ဝင်နှင့် စစ်ကိုင်းတိုင်းပြည်သူ့ကာကွယ်ရေးအဖွဲ့(ပကဖ)တာဝန်ခံ ရဲဘော်ဩဇာက People’s Springသို့ ပြောကြားသည်။ အင်းတော်မြို့ရှိ စစ်ကောင်စီ၏ ရဲစခန်း၊မြို့နယ်ထွေအုပ်ရုံးနှင့် ဌာနဆိုင်ရာရုံးအားလုံးအပါအဝင် မြို့အားထိန်းချုပ်သိမ်းပိုက်ထားရာ မြို့အစွန်ရှိ စစ်ကောင်စီ၏ နောက်ဆုံးတပ်စွဲထားရာ ဒေသအခေါ် ဂျပန်လှိုင်ဂူကုန်းတစ်ခုသာ ကျန်ရှိနေသည်ဟု စစ်ကိုင်းတိုင်း ပကဖတာဝန်ခံ ရဲဘော်ဩဇာက ပြောသည်။ ထို့ကြောင့် အဆိုပါစခန်းကုန်းအား ယမန်နေ့ (ဇန်နဝါရီ ၂၇ရက်)ကစပြီး ထိုးစစ်ဆင်တိုက်ခိုက်ခဲ့သည်ဟု စစ်ကိုင်းတိုင်း ပကဖတာဝန်ခံက ပြောသည်။ ” အင်းတော်တိုက်ပွဲအခြေအနေကတော့ မနေ့ကစပြီးတော့ တိုက်ပွဲတွေပြန်ဖြစ်လာတယ်ပေါ့။ အရင်ကလည်း ကြိုကြားပစ်ခတ်တိုက်ခိုက်မှုတွေကတော့ ရှိနေတာပါ။ ၂၀၂၄ ဒီဇင်ဘာထဲမှာတည်းကစခဲ့ကြတာ။ ဒီဇင်ဘာလထဲမှာ နဘားလမ်းဆုံတို့ ကျွန်တော်တို့ ရရှိခဲ့ပြီးဖြစ်ပါတယ်။ အင်းတော်မြို့ကိုလည်း ကျွန်တော်တို့သိမ်းပိုက်ရရှိပြီး ဖြစ်ပါတယ်။နောက်တစ်ခါ အနီးမှာရှိတဲ့ နဘားလမ်းဆုံတို့ နံ့သာတို့ ဒါတွေလည်း ၂၀၂၄ မှာကတည်းက သိမ်းပိုက်ရရှိပြီးဖြစ်ပါတယ်။ ကျန်နေတာကတော့ အများခေါ်နေတဲ့ ဂျပန်လှိုင်ဂူဆိုတဲ့ ကုန်ပေါ့။ အဲဒီကုန်းတစ်ခုပဲ ကျန်နေတာ။ ဒါကတော့ စောစောကပြောတဲ့ မနေ့ကစပြီးတော့ တိုက်ပွဲအရှိန်ပိုပြီးတော့ မြင့်လာတယ်ပေါ့”ဟု စစ်ကိုင်းတိုင်း ပကဖတာဝန်ခံ ရဲဘော်ဩဇာက ပြောသည်။ အင်းတော်တစ်မြို့လုံးအနက် ဂျပန်လှိုင်ဂူကုန်းတစ်ခုသာ သိမ်းရန်ကျန်နေဟု ၎င်းက ဆက်ပြောသည်။ ” သူ့ရဲ့ပတ်ပတ်လည်နားက ဘုန်းကြီးကျောင်း နှစ်ကျောင်းရှိမယ်။ ကုန်းနှစ်ခုရှိမယ်။ နောက်တစ်ခါ သူတို့ ပြောက်ကျားနေရာယူထားတဲ့ အိမ်တန်းလေးတစ်ခုရှိမယ်။ ဆင်ခြေလျောဘက်မှာ…
လေကြောင်းရန်ကြောင့် ဒေသခံအချို့ ထွက်ပြေးတိမ်းရှောင်နေ၊ မြင်းခြံခရိုင်ထဲမှာ စစ်အုပ်စုက မကြခဏ လေကြောင်းကနေ ဗုံးကြဲသတ်ဖြတ်နေတာဖြစ်၊ MN/MFP ၊ ဇန်နဝါရီ – ၂၇ မန္တလေးတိုင်း၊ မြင်းခြံမြို့နယ် မြင်းခြံ-ဆီမီးခုံ ကားလမ်းပေါ်က ဆင်းဂွတ်ရွာကို မနေ့က မနက်ပိုင်းမှာ စစ်အုပ်စုက လေကြောင်းက ဗုံးကြဲသတ်ဖြတ်ခဲ့တာကြောင့် ကာကွယ်ရေး ရဲဘော် ၁၂ ဦးနဲ့ ကလေးငယ်တွေအပါအဝင် ဒေသခံ ခြောက်ဦး သေဆုံးခဲ့ပြီး သုံးဦး ထိခိုက်ဒဏ်ရာရရှိခဲ့တယ်လို့ မြင်းခြံမြို့နယ် ပြည်သူ့ကာကွယ်ရေးအဖွဲ့ ( မြင်းခြံ-ပ ကဖ_တာဝန်ခံက MFP ကို ပြောပါတယ်။ လက်ရှိမှာ စစ်အုပ်စု ဗုံးကြဲသတ်ဖြတ်ခဲ့တာကြောင့် ကာကွယ်ရေးရဲဘော်တွေနဲ့ ဒေသခံပြည်သူ စုစုပေါင်း ၁၈ ဦး သေဆုံးခဲ့ပြီး ထပ်မံသေဆုံးသူ မရှိဘူးလို့လည်း မြင်းခြံမြို့နယ် – ပကဖ တာဝန်ရှိသူက ဆိုပါတယ်။ “လေယာဉ်နဲ့ ပေါင် ၂၅၀ ဗုံးလာကြဲလို့ ကျဆုံးသွားခဲ့သူတွေက မြင်းခြံမြို့နယ် – ပကဖ က ရဲဘော် လေးဦး၊ ရပ်ကျေး -ပကဖက ရှစ်ဦးပါ။ အရပ်သား ပြည်သူတွေကတော့ ခြောက်ဦးဖြစ်ပါတယ်။ စုစုပေါင်း ၁၈ ဦး သေဆုံးခဲ့တာပါ။ ဒဏ် ရာရတာကတော့ ကျနော်တို့ ရဲဘော် နှစ်ဦးနဲ့ လမ်းပေါ်မှာ လှည်းမောင်းနေတဲ့ ပြည်သူတစ်ဦး ထိခိုက်ဒဏ်ရာရသွား တာပါ။ ကျနော်တို့ သေဆုံးသူတွေကို အသက်အရွယ်တွေနဲ့ အားလုံး စိစစ်ပြီးသွားပါပြီဗျ။ (သေဆုံးသူ)စုစုပေါင်း ၁၈ ဦးပဲ ဖြစ်ပါတယ်။ ထပ်ပြီးတော့ သေဆုံးသူတွေ မရှိပါဘူးဗျ”လို့…
People’s Spring ပဲခူးတိုင်းအတွင်း တိုက်ခိုက်သိမ်းယူထားသည့် စခန်းသိမ်းတိုက်ပွဲသတင်းဓာတ်ပုံတစ်ပုံကို အာရက္ခတပ်တော်(AA)မှ စစ်ဦးစီးချုပ် ဗိုလ်ချုပ်ထွန်းမြတ်နိုင်က ၎င်း၏ X လူမှုကွန်ရက်အကောင့်တွင် ယနေ့(ဇန်နဝါရီလ၂၇ရက်)ညနေပိုင်း၌ဖော်ပြလိုက်သည်။ တိုက်ပွဲအတွင်းသိမ်းဆည်းရမိထားသည့် လက်နက်ခရမ်းများ၊ ဂျန်ပါများနှင့် စစ်သုံးပစ္စည်းအများအပြားနှင့်အတူပဲခူးတိုင်းဒေသကြီးမှကြိုဆိုပါ၏ ဆိုင်းဘုတ်အောက်တွင် ရိုက်ကူးထားသည့်ဓာတ်ပုံကို ဖော်ပြခြင်းဖြစ်သည်။ မည်သည့်မြို့ဖြစ်သည်ကို အသိပေးထားခြင်းမရှိပေ။သို့သော်AA သိမ်းယူလိုက်သည့် စခန်းမှာ ပဲခူးတိုင်း၊ ပန်းတောင်းမြို့ရှိ မိုးထိတောင်ဗျူဟာဟု စစ်ရေးသတင်းရင်းမြစ်တဦးကပြောသည်။ ဧရာဝတီတိုင်း၊ပဲခူးတိုင်း၊ မကွေးတိုင်းမှနယ်စပ်ဒေသများ၌ တိုက်ပွဲများဆက်လက်ဖြစ်ပွားနေကြောင်း AAက ဇန်နဝါရီလ၂၀ရက်တွင် ပထမဆုံးအကြိမ်အသိပေးခဲ့ပြီးနောက် ရက်သတ္တပတ်တစ်ပတ်တိတိတွင် ဗိုလ်ချုပ်ထွန်းမြတ်နိုင်က စခန်းသိမ်းတိုက်ပွဲမှတ်တမ်းဓာတ်ပုံတစ်ပုံကို ဖော်ပြလာခြင်းဖြစ်သည်။ ” ဗိုလ်ချုပ်ကတော့ အရိပ်အမြွက်ပြပြီ။သိပ်မကြာခင်သတင်းထုတ်ပြန်လာလိမ့်မယ်”ဟုAAနှင့်နီးစပ်သည့်သတင်းရင်းမြစ်တစ်ဦးကပြောသည်။ AAနှင့် ပူးပေါင်းတပ်များသည် ရခိုင်ပြည်နယ်နှင့်ဆက်စပ်နေသော ဧရာဝတီတိုင်း၊ပဲခူးတိုင်း၊ မကွေးတိုင်းမှ မြို့နယ်အချို့တို့မှ စစ်ကောင်စီစခန်းများကို တိုက်ခိုက်နေသည်။ ဧရာဝတီတိုင်းအတွင်းရွှေသောင်ယံမြို့နယ်၊ မကျီးစင်ကျေးရွာတွင်ဇန်နဝါရီလ၈ရက်နေ့က တိုက်ပွဲစတင်ဖြစ်ပွားခဲ့သည်။ ရွှေသောင်ယံမြို့နယ်မှ မကျီးစင်ရွာ၊ ဘောမိရွာတို့ကို AAက တိုက်ခိုက်သင်ယူထားသည်။လက်ရှိတွင် ရေကြည်မြို့နယ်နှင့်ထိဆက်နေသော ရခိုင်ရိုးမထဲ၌ တိုက်ပွဲပြင်းထန်နေပြီး စစ်ကောင်စီကလက်နက်ကြီးများဖြင့် အပြင်းအထန်ပစ်ခတ်တိုက်ခိုက်နေသည်။ တောင်ကုတ်မြို့နယ်နှင့်ထိဆက်နေသော ပဲခူးတိုင်း ဥသျှစ်ပင်မြို့နယ်၌လည်း AAပူးပေါင်းမဟာမိတ်တပ်များက စစ်ကောင်စီစခန်းများကိုတိုက်ခိုက်နေသည်။ အမ်း-ပဒါန်း ကားလမ်းမအနီးပတ်ဝန်းကျင်တွင်လည်း တပ်မ (၈၈)၊ (၉၉) လက်အောက်ခံတပ်ရင်းများ၊ မကွေး၊ ကပစ မှစစ်ကောင်စီတပ်ဖွဲ့များနှင့် တိုက်ပွဲများဆက်လက်ဖြစ်ပွားနေပြီးစစ်ကောင်စီရုပ်အလောင်းအမြောက်အမြားနှင့် လက်နက်ခဲယမ်း၊ စစ်အသုံးအဆောင်ပစ္စည်းအများ အပြားသိမ်းဆည်းရမိခဲ့ပြီး သုံ့ပန်းအချို့ ဖမ်းမိထားတယ်လို့ AAက ဇန်နဝါရီလ၂၀ရက်ထုတ်ပြန်ချက်၌ ဖော်ပြထားသည်။ (AA နှင့် ပူးပေါင်းတပ် သိမ်းပိုက်ခဲ့သော စစ်တပ်စခန်းမှ လက်နက်ခဲယမ်းများ။ ဓါတ်ပုံ-ဗိုလ်ချုပ်ထွန်းမြတ်နိုင်X လူမှုကွန်ရက်)