လူထက်နိုင်၊ နိရဥ္စာ ၊ဇန်နဝါရီ ၁၆/၂၀၂၅ ရခိုင်ပြည်မြို့တော် စစ်တွေမြို့ပြင်ရှိ ရခိုင်ရိုးရာရက္ကန်းလုပ်ငန်းနဲ့ နာမည်ကျော်ကြားတဲ့ ဝါဘိုကျေးရွာကို အာရက္ခတပ်တော် (AA)က ထိန်းချုပ်လိုက်ပြီဖြစ်တယ်လို့ သတင်းတွေထွက်ပေါ်နေပြီးနောက်မှာ အဲဒီကျေးရွာကို ဒီကနေ့ မနက်က စစ်ကောင်စီမှ လေကြောင်းကနေ ဗုံးကြဲတိုက်ခိုက်ခဲ့တယ်လို့ ဒေသခံစစ်ရေးသတင်းရင်းမြစ်တစ်ချို့ထံကနေ သိရပါတယ်။ ဒေသတွင်းစစ်ရေးသတင်းရင်းမြစ်တစ်ဦးက“ဝါးဘို၊ ညိုရောင်ချောင်း၊ ကံ့ကော်ကျွန်းဘက်မှာ အေအေက စိုးမိုးထားပြီး အင်အားလည်းများတယ်။ သိရသလောက် ထိုးစစ်စပြီလို့တောင်ပြောလို့ ရမယ်ထင်တယ်။ ပုဏ္ဏာကျွန်းနဲ့ စစ်တွေကြားကစပြီး တပ်ဖြန့်ပြီး ထိုးစစ်စနေတာပါ။ ဝါဘိုရွာက စစ်ကောင်စီခံစစ်နေရာ တချို့ကို ဒီနေ့ အေအေက ရထားတယ်လို့ သိရတယ်” လို့ပြောပါတယ်။ ဝါဘို၊ ညိုရောင်ချောင်း၊ ကံ့ကော်ကျွန်းတို့မှာ စစ်ကောင်စီနဲ့ အာရက္ခတပ်တော် ထိတွေ့ပစ်ခတ်မှု တချို့ရှိခဲ့ပြီး ဝါဘိုကျေးရွာရှိ စစ်ကောင်စီရဲ့ ခံစစ်နေရာတချို့ကို အာရက္ခတပ်တော်က ထိန်းချုပ်လိုက်တာကြောင့် ဒီကနေ့ ဇန်နဝါရီ ၁၆ ရက် မနက် ၃ နာရီခန့်က ဂျက်လေယာဉ်ဖြင့် ၂ ကြိမ် ဗုံးကြဲတိုက်ခိုက်ခဲ့တာ ဖြစ်တယ်လို့ ဆိုပါတယ်။ စစ်ရေးသတင်းရင်းမြစ်က စစ်တွေထိုးစစ်စနေပြီဖြစ်တယ်လို့ ပြောဆိုပေမယ့် နိရဉ္စရာသတင်းဌာန အနေနဲ့ AA ပြောခွင့်ရသူ ဦးခိုင်သုခအား မေးမြန်းလို့ မရသေးတဲ့အတွက် သီးခြားအတည်ပြုနိုင်ခြင်းတော့ မရှိသေးပါ။ (ဓာတ်ပုံ- စစ်တွေမြို့တွင် အကြမ်းဖက်စစ်ကောင်စီ တပ်ဖွဲ့ဝင်များ ကင်းလှည့်နေစဉ်/ပုံဟောင်း) Narinjara
Author: Ka K
ဇန်နဝါရီ ၁၆/၂၀၂၅ ရခိုင်ပြည်၊ အမ်းမြို့နယ်ဘက်မှ ထွက်ပြေးလာကြတဲ့ စစ်ကောင်စီ တပ်သားတွေကို ကြားဖြတ်ဟန့်တား တိုက်ခိုက်ခဲ့ရာ စစ်ကောင်စီတပ်ဖွဲ့ဝင် ၅ ဦးသေပြီး ၁၂ ဦးကို လက်နက်တွေနဲ့ အတူ ဖမ်းမိခဲ့တယ်လို့ ချင်းကာကွယ်ရေးတပ် – အရှို ( CDF – Asho )က ဒီကနေ့မှာ သတင်း ထုတ်ပြန်ပါတယ်။ ဒီလ ၁၄ ရက်နေ့က အမ်းမြို့နယ်၊ တောင်ဇောက်ရွာအနီး တိုက်ပွဲမှ ထွက်ပြေးလာတဲ့ စစ်ကောင်စီ တပ်သားအင်အား (၁၀၀)ခန့်ကို ငဖဲမြို့နယ်၊ ရှောက်တောင်ရွာအနီး ( က.ပ.စ – ၁၄) နှင့် မီတာ( ၂၀၀၀ ) ခန့် အကွာတွင် တားဆီးခဲ့ရာ အသာတကြည် လက်နက်မချတဲ့ အတွက် ထိတွေ့တိုက်ပွဲဖြစ်ပွားခဲ့ရာ ရန်သူစစ်ကောင်စီဘက်မှ (၃)ဦး ပွဲချင်းပြီး သေဆုံးခဲ့တယ်လို့ဆိုပါတယ်။ အဲဒီ တိုက်ပွဲအပြီး ဖွဲ့စည်းပုံပျက်ကာ ထွက်ပြေး လွတ်မြောက်နေတဲ့ စစ်ကောင်စီတပ်ဖွဲ့ဝင်တွေကို နယ်မြေရှင်းလင်းရေး လုပ်ဆောင်စဉ် စစ်ကောင်စီ တပ်သား(၈)ဦး ထပ်မံဖမ်းဆီးရမိခဲ့တယ်လို့ ထုတ်ပြန်ချက်မှာ ဖော်ပြပါတယ်။ ဇန်နဝါရီ ၁၃ရက်နေ့ကလည်း အမ်းမြို့နယ်၊ ကြက်ရေစမ်းရွာ အနီးစခန်းမှ ထွက်ပြေး လာတဲ့ စစ်ကောင်စီ တပ်သား ( ၅ )ဦးကို ငဖဲမြို့နယ် ဂုတ်စည်းရိုးရွာအနီး တားဆီး ပိတ်ဆို့စဉ် အသာတကြည် လက်နက်မချတဲ့ အတွက် ပစ်ခတ်ဖမ်းဆီးခဲ့ရတယ်လို့ ဆိုပါတယ်။ စစ်ကောင်စီတပ်သား ( ၅ )ဦး အနက် (၂)ဦးက အပြင်းအထန်…
ဇန်နဝါရီ ၁၆ ရက် ကရင်ပြည်နယ်၊ ဒေါနတောင်ပေါ်ရှိ စစ်ကောင်စီ၏ အောင်ဇေယျစစ်ကြောင်းအား တော်လှန်ရေးတပ်ဖွဲ့များက တိုက်ခိုက်ရာ လက်နက်ခဲယမ်းအများအပြားသိမ်းရကြောင်း ကရင်စစ်ရေးသတင်းရင်းမြစ်များက ပြောသည်။ ပြီးခဲ့သည့်တစ်ပတ်အတွင်း စစ်ကောင်စီ၏ အောင်ဇေယျစစ်ကြောင်းအား ကရင်အမျိုးသားလွတ်မြောက်ရေးတပ်မတော် (KNLA)၊ကော်ဘရာစစ်ကြောင်းနှင့် ပူးပေါင်းစစ်ကြောင်းများက တိုက်ခိုက်ခဲ့ခြင်းဟု ကရင်စစ်ရေးသတင်းရင်းမြစ်များက ပြောသည်။ “အောင်ဇေယျဆီကနေ ရထားတဲ့ ပစ္စည်းတွေ”ဟု ကရင်စစ်ရေးသတင်းရင်းမြစ်က ပြောသည်။ ထို့အပြင် အောင်ဇေယျစစ်ကြောင်းအား တိုက်ခိုက်ရာတွင်ပါဝင်သော စစ်ကြောင်းမှူးတစ်ဦးကလည်း လက်နက်ခဲယမ်းများသိမ်းရမှုအပေါ် အတည်ပြုပေးသည်။ သို့သော် အောင်ဇေယျစစ်ကြောင်းမှ စစ်ကောင်စီတပ်သားများ သေဆုံးထိခိုက်မှုနှင့်ပတ်သက်ပြီး ပြောဆိုခြင်း မရှိပေ။ စစ်ကောင်စီ၏ အောင်ဇေယျစစ်ကြောင်းအား ကရင်အမျိုးသားလွတ်မြောက်ရေး တပ်မတော် (KNLA)၊ကော်ဘရာ၊ PDFနှင့် ပူးပေါင်းစစ်ကြောင်းများက အပိုင်းပိုင်းဖြတ်တောက်ပိတ်ဆို့ထား၍ အောင်ဇေယျစစ်ကြောင်း၏ ရှေ့တန်းမှ စစ်သားများသည် အစာရေစာငတ်ပြတ်မှုနှင့်ကြုံနေရသည်။ အောင်ဇေယျစစ်ကြောင်းမှာ လက်ရှိတွင် တော်လှန်ရေးပူးပေါင်းတပ်များ၏ ပိတ်ဆို့ဖြတ်တောက်မှုခံနေရ၍ ရှေ့မတိုးနိုင်ဘဲ လက်နက်ကြီးများဖြင့်သာ နေ့စဉ်ပစ်ခတ်မှုသာပြုလုပ်နေသည်ဟု ကော်ဘရာစစ်ကြောင်း စစ်ဆင်ရေးမှူး ဗိုလ်မှူးဒါဘောက လူထုနွေဦးသို့ ပြောထားသည်။ စစ်ရှုံးစစ်ကောင်စီ၏ ရှေ့တန်းအမှတ်(၅၅)တပ်မ အောင်ဇေယျစစ်ဆင်ရေးမှ KNLA၊PDFနှင့် ပူးပေါင်းစစ်ကြောင်းများထံသို့ လက်နက်နှင့်အတူ ပြည်သူ့ရင်ခွင်ပြန်လည်ခိုလှုံလာသော စစ်သည်များအား ကြိုဆိုဧည့်ခံပွဲနှင့် ထောက်ပံ့ငွေပေးအပ်ပွဲအခမ်းအနားကို ၂၀၂၄ ဒီဇင်ဘာ ၃၁ရက်က ကရင်ပြည်နယ်တနေရာတွင် ပြုလုပ်ခဲ့သည်။ ထိုသို့ပြုလုပ်အပြီးနောက် ၂၀၂၅ ဇန်နဝါရီ ၃ရက်တွင် အောင်ဇေယျစစ်ကြောင်းမှ စစ်ကောင်စီတပ်သား သုံးဦးလက်နက်နှင့်အတူ ထပ်မံအလင်းဝင်ခိုလှုံလာခဲ့သည်။ ပြီးခဲ့သည့် သုံးလခန့်အတွင်း အောင်ဇေယျစစ်ကြောင်းမှ လက်နက်နှင့်အတူ အလင်းဝင်လာသူများနှင့် ဖမ်းမိစစ်သုံ့ပန်း ၃၀ခန့်ရှိကြောင်း ကော်ဘရာစစ်ကြောင်းမှ တာဝန်ရှိသူတစ်ဦးက ပြောသည်။ ပြီးခဲ့သည့်ဧပြီက KNLA)၊ကော်ဘရာ၊ PDFနှင့် ပူးပေါင်းစစ်ကြောင်းမျm;က မြဝတီမြို့ရှိ…
ဇန်နဝါရီ ၁၆ အာရက္ခတပ်တော် AA က စစ်ရေးကို နိုင်ငံးရေးနည်းလမ်းဖြင့် ဖြေရှင်းရန် ကြေညာပြီးနောက် အာဏာသိမ်း စစ်ကောင်စီသည် ရခိုင်ပြည်အား ၂၀၂၄ ခုနှစ် ဒီဇင်ဘာလ နောက်ဆုံးအပတ်ကစ၍ တိုက်ပွဲဖြစ်ပွားခြင်းမရှိသော မြို့ရွာများကို ဗုံးဆက်တိုက် ကြဲချတိုက်ခိုက်ခဲ့သည်။ စစ်ကောင်စီ၏ ထိုဗုံးကြဲတိုက်ခိုက်မှုများကြောင့် အပြစ်မဲ့အရပ်သားပြည်သူ ၆၀ နီးပါသေဆုံးခဲ့သလို ၆၀ ဦးနီးပါးမှာလည်း ပြင်းထန်ဒဏ်ရာများ ရရှိခဲ့ကြပြီး စာသင်ကျောင်း၊ ဘာသာရေးအဆောက်အဦး လူနေအိမ် အများအပြား ပျက်စီးခဲ့သည်။ ယင်းအပြင် အာရက္ခတပ်တော် AA ၏ နယ်မြေခံ ထိပ်ပိုင်းခေါင်းအချို့လည်း ဗုံးဒဏ်ကြောင်း သေဆုံးသွားသလို ဒဏ်ရာရရှိသူများလည်းရှိကြောင်း Western News က စုံစမ်းရရှိထားသည်။ ထိုကြောင့် အာရက္ခတပ်တော် AA သည် သိမ်းပိုက်ထားသော မြို့ရွာများတွင် စစ်ကောင်စီ လေယာဉ်များလာလျှင် ပြည်သူလူထုများ ပုန်းခိုတိမ်းရှောင်နိုင်ရန် သို့မဟုတ် လုံခြုံရေးအတွက် ကြိုတင်ပြင်ဆင်နိုင်ရန် အချက်ပေးသံ စနစ်အား ဖော်နေပြီဟု ကျောက်တော်ဒေသခံတစ်ဦးက Western News ကို ပြောသည်။ “လေကြောင်းအန္တရာယ်ကို ကာကွယ်နိုင်ဖို့ ကျောက်တော်မှာတော့ လေယာဉ်လာရင် AA က Alert ပေးတာတွေတော့ လုပ်ဆောင်နေတာရှိတယ်။ အဲ့ဒီအသံက တစ်မြို့လုံး ကြားရပါတယ်။ အဲ့လိုပေးပြီဆိုရင် ကိုယ်ဖက် အဆင့်သင့် လုပ်ထားဖို့လိုတာပေါ့။ တချို့အိမ်တွေမှာတော့ ဗုံးခိုကျင်းတွေ လုပ်ထားတာရှိတယ်။ ဒါပေမယ့် လေယာဉ်က ဘယ်အချိန်လာ ပစ်မလဲဆိုတာမသိတော့ လေကြောင်းအန္တရာယ်နဲ့ပတ်သက်ပြီး ဒေသခံတွေက စိုးရိမ်နေကြရတယ်” ဟု ပြောသည်။ အာရက္ခတပ်တော် AA က သိမ်းပိုက်ထားသည့်…
အခက်အခဲတွေနဲ့ အရမ်းကြုံနေရရင် ဒီဂါထာလေးရွတ်ကြည့်ပါလား…? တစ်နေ့ ( ၇ ) ခေါက် ပုံမှန်ရွတ်ရုံနဲ့ထူးခြားပါလိမ့်မယ်။ ” ဝေဒါသာကု၊ ကုသာဒါဝေ ဒါယသာတ၊ တသာယဒါ၊ သာသာဓိကု၊ ကုဓိသာသာ ကုတကုဘု၊ ဘုကုတကု ” ဂါတာတော်အနက် ————————- ဝေ = ငါ၏ရန်သူ ဟူသမျှတို့သည်၊ ဒါ = ဝေးစွာသော အရပ်သို့၊ သာ = လျင်စွာ၊ ကု = ပြေးကုန်သတည်း။ ကု = ငါ့အား မကောင်းသဖြင့် ကြံကုန်သောသူတို့သည်၊ သာ = မိမိအလိုလို၊ ဒါ = အကြံအစည် ပျက်သောအားဖြင့်၊ ဝေ = ပျောက်စေကုန်သတည်း။ ဒါ = ငါ၏ ဒါန စေတနာတို့ကြောင့်၊ ယသာ=အခြံအရံ အကျော်အမော်တို့သည်၊ တ = ပွါးများ စေကုန်သတည်း။ တသာ=ငါပြုမိသော အကုသိုလ် ၁၀ပါးတို့သည်၊ ယ = ငါပြုမိသော ကုသိုလ် ၁၀ပါး၏ တန်ခိုးတော်တို့ကြောင့်၊ ဒါ =ပြေပျောက်စေကုန်သတည်း။ သာ = စက်ဆုပ်ဖွယ်သောသူတို့အားလည်းကောင်း သာ = အမျက်မာန ဒေါသရှိသော သူတို့အားလည်းကောင်း ဓိ = ဆုံးမသြဝါဒ ပေးခြင်းဖြင့်သာလျှင်၊ ကု = အောင်မြင်စေသတည်း။ ကု = ထိုထိုသော အမျက်မာန မာန်တက်သူတို့နှင့် ဓိ = ရှည်မြင့်စွာ သာ =မပေါင်းဖော်ရသည် သာ = ဖြစ်ပါစေသတည်း။…
မဇ္ဈိမ။ ။ စစ်ကောင်စီထိပ်ပိုင်းခေါင်းဆောင်နှစ်ဦးအနက် ဒုတိယဗိုလ်ချုပ်မှူးကြီးစိုးဝင်းအများပြည်သူမြင်ကွင်းမှပျောက်ကွယ်ပြီးနောက်ရက်တွင် ဗိုလ်ချုပ်မှူးကြီး မင်းအောင်လှိုင်ပါ ပျောက်လျက်ရှိနေသည်။ ပုံမှန်အားဖြင့် တဦးမဟုတ် တဦး အများမြင်ကွင်းထွက်ပြလေ့ရှိသော်လည်း ဒုခေါင်းဆောင်စိုးဝင်းပေါ်မလာသည်မှာ ခြောက်ရက်ကြာမြင့်ပြီဖြစ်ပြီး သူ၏အကြီးအကဲဖြစ်သူ လူလုံးထွက်ပြခြင်းကိုအားသန်သော စစ်ခေါင်းဆောင်ကတော့ ငါးရက်ကြာမြင့်ပြီဖြစ်သည်။ ဒုတိယဗိုလ်ချုပ်မှူးကြီး စိုးဝင်းအနေဖြင့် ဇန်နဝါရီလ ၁၀ ရက်နေ့က နေပြည်တော်တွင် ပြုလုပ်သည့် ပညာရေးဆိုင်ရာညီလာခံ ဂုဏ်ပြုညစာစားပွဲ တက်ရောက်ပြီးနောက်ပိုင်း မည်သည့်အခမ်းအနားမှတက်ရောက်ခဲ့ခြင်းမရှိတော့ပါ။ စစ်တပ်ထိန်းချုပ်ထားသော မြ၀တီ၊ မြန်မာ့အလင်း၊ ကြေးမုံတို့တွင် သူ၏ပုံရိပ်များပျောက်ကွယ်နေသည်။ ဗိုလ်ချုပ်မှူးကြီး မင်းအောင်လှိုင်ကိုတော့ ဇန်နဝါရီလ ၁၁ ရက်နေ့ ပြင်ဦးလွင်သို့သွားရောက်လည်ပတ်သည့်ခရီးစဉ်အဖြစ်နောက်ဆုံးတွေ့ခဲ့ရသည်။ ဒုချုပ်စိုးဝင်းသည် ယမန်နေ့ (ဇန်နဝါရီ ၁၅ ရက်) နေ့က လွိုင်ကော်မြို့တွင်ကျင်းပသော (၇၃) နှစ်မြောက် ကယားပြည်နယ်နေ့အခမ်းအနားတက်ရောက်သည်ဟု စစ်ကောင်စီထိန်းချုပ်ခြင်းကင်းသော သတင်းမီဒီယာအများအပြားက ပုံရိပ်များမပါဘဲ ဖော်ပြခဲ့သော်လည်း စစ်အုပ်စုထိန်းချုပ်ထားသော မီဒီယာများတွင် ထုတ်ပြန်ချက်တွင် ဒုတိယဝန်ကြီးချုပ်တဦးဖြစ်သော ဗိုလ်ချုပ်ကြီး တင်အောင်စန်းသာ ဦးဆောင်တက်ရောက်ခဲ့သည်ကို တွေ့ရသည်။ အသက် ၆၃ နှစ်အရွယ် ဒုတိယခေါင်းဆောင်စိုးဝင်းအနေဖြင့် ကာလတာရှည် အများမြင်ကွင်းကပျောက်ကွယ်ခြင်း ယခင်ကလည်းဖြစ်ခဲ့ဖူးသည်။ ၂၀၂၄ ခုနှစ် ဧပြီလအတွင်းကလည်း ပုံမှန်တက်ရောက်နေကျ အစည်းအဝေးများပင် တက်ရောက်နိုင်ခြင်းမရှိခဲ့သည်မှာ တလနီးပါးကြာသွားခဲ့သည်။ နေပြည်တော်ရှိသတင်းရင်းမြစ်များက မဇ္ဈိမသို့ ထိုစဉ်က အသေးစိတ်မပါသော ပြောကြားချက်တွင် ကျန်းမာရေးကြောင့် ဆေးရုံတက်ကုသမှုခံယူနေခဲ့ရသည်ဟု ဆိုသည်။ စစ်ကောင်စီတပ်တွင် အရေးပေါ်အခြေအနေဖြစ်သည့် ရှေ့တန်းနယ်မြေများကို ဒုစစ်ခေါင်းဆောင်သွားရောက်လေ့ရှိပြီး အသက် ၆၈ နှစ်အရွယ် ဗိုလ်ချုပ်မှူးကြီးမင်းအောင်လှိုင်မှာ လတ်တလော ပိုမိုလုံခြုံသော စစ်တိုင်းဌာနချုပ်များသို့သာ သွားရောက်လေ့ရှိသည်။ ဒုချုပ်စိုးဝင်းသွားရောက်သည်ဟု သတင်းထွက်ပေါ်လေ့ရှိသည့် ရှေ့တန်းနယ်မြေများတွင် တိုက်ခိုက်မှုရှိသည်ဟုလည်း သတင်းများထွက်ပေါ်လေ့ရှိသည်။…
မန္တလေးတိုင်း ပြည်ကြီးတံခွန်မြို့နယ် (စ)ရပ်ကွက်တွင် စစ်ကောင်စီလက်အောက်ခံ ရဲတပ်ဖွဲ့အား ဓားဖြင့်ဝင်ခုတ်သူ အမျိုးသားတစ်ဦးကို ရဲတပ်ဖွဲ့က သေနတ်ဖြင့် ပစ်ခတ်လိုက်သည်ဟု စစ်ကောင်စီဘက်က ဖော်ပြသည်။ ယနေ့ ၂၀၂၅ခုနှစ် ဇန်နဝါရီလ (၁၆)ရက်နေ့ နံနက် (၅)နာရီခွဲတွင် ရဲတပ်ဖွဲ့နှင့် သတင်းပေးများ ကင်းလှည့်နေစဉ် ပြည်ကြီးတံခွန်မြိုနယ် (စ)ရပ်ကွက် ၅၉(B)× ၆၀ လမ်းကြား၊ (၁၂၅)လမ်း၌ (၁၂၅)လမ်းအတိုင်း အနောက်မှ အရှေ့သို့ အမျိုးသား (၂)ဦး မောင်းနှင်လာသော ဆိုင်ကယ်အား ရပ်တန့်ခိုင်းသည်ဟု သိရသည်။ ထို့နောက် မောင်းနှင်လာသည့်အမျိုးသားသည် ဆိုင်ကယ်ထား၍ ထွက်ပြေးသွားပြီး နောက်မှထိုင်၍ လိုက်လာသော အမျိုးသားက ဓားရှည်ဖြင့် ရဲတပ်ဖွဲ့ဝင်များနှင့် သတင်းပေးများကို ဝင်ခုတ်ရာ ရဲတပ်ဖွဲ့ဘက်က သေနတ်ဖြင့် ပစ်ခတ်လိုက်သည်ဟု စစ်ကောင်စီဘက်က ဖော်ပြသည်။ “စစ်ကောင်စီတပ်ဘက်က သေနတ်နဲ့ ပစ်လိုက်တာလို့ပဲကြားတာ။ လမ်းသွားလမ်းလာသူကို ပစ်သွားတာလို့ပဲ သိရတယ်။ ဓားနဲ့ဝင်ခုတ်စရာအကြောင်းရှိလို့လား ဘယ်သူကလုပ်ရဲမှာလဲ။ အဲဒီဘက်က ပျူစောထီးတွေ ကြီးစိုးနယ်မြေကို။”ဟု ဒေသခံတစ်ဦးက Tachileik News Agency ကိုပြောသည်။ သေနတ်နှင့် ပစ်ခတ်ခံရသဖြင့် အမျိုးသားမှာ ယာဝမ်းဗိုက်ထိမှန်ဒဏ်ရာဖြင့် သေဆုံးသွားပြီး ရုပ်အလောင်းအား လောကပါလ လူမှုကူညီရေးယာဉ်ဖြင့် မန္တလေးပြည့်သူ့ဆေးရုံကြီးသို့ပို့ဆောင်ကာ အမှုဖွင့်အရေးယူထားသည်ဟု သိရသည်။ ရဲတပ်ဖွဲ့ဝင်များက မည်သည့်အတွက်ကြောင့် ပစ်ခတ်သည်ကိုမူ သီးခြားစုံစမ်းနိုင်ခြင်းမရှိသေးသည့်အပြင် ပစ်ခတ်ခံရသူမှာ မည်သူဖြစ်သည်ကိုလည်း မသိရသေးပါ။ TachileikNewsAgency
(ဇန်နဝါရီလ ၁၆ ရက် နံနက် ၀၀:၄၀ နာရီ) ==== ဖေဖေါ်ဝါရီမှ ဧပြီလအထိ အားပျော့သော “လာနီညာ”ဆက်ဖြစ်နေနိုင်မည့်အခြေအနေ(၅၉%)ရှိနေပြီး မတ်လမှ မေလအတွင်း အယ်လ်နီညိုမဟုတ်-လာနီညာမဟုတ်သော ပုံမှန်ရာသီဥတု(Neutral)ဖြစ်နိုင်မည့်အခြေအနေ ၆၀% ရှိကြောင်း NOAA – Climate Prediction Center – CPC မှ ဇန်နဝါရီ ၁၃ ရက်တွင် ထွက်ရှိလာသည့် ထုတ်ပြန်ချက်မှာဖေါ်ပြထားပါတယ်။ ဤထုတ်ပြန်ချက်အရ မြန်မာနိုင်ငံ၏ ဆောင်းရာသီကာလသည်လည်း ရက်ရှည်ကြာပြီး ၂၀၂၅ ခုနှစ် မတ်လဆန်းအထိ အေးနေနိုင်မည်ဖြစ်ကြောင်း ခန့်မှန်းရပါတယ်။ Win Naing
အမှတ် (၁) စစ်ဒေသ ကွပ်ကဲမှုအောက်မှာရှိတဲ့ စစ်ကိုင်းတိုင်း၊ မကွေးတိုင်း၊ မန္တလေးတိုင်းအတွင်းက ရဲဘော်တွေပါဝင်တဲ့ အပတ်စဉ်(၄)အထူးတိုက်ခိုက်ရေးတပ်ဖွဲ့ လက်နက် တပ်ဆင်ခြင်းအခမ်းအနားကို ဇန်နဝါရီလ(၁၂)ရက်နေ့က ပြုလုပ်ခဲ့တယ်လို့ အမှတ် ၁ စစ်ဒေသက ဒီကနေ့ ဇန်နဝါရီလ ၁၅ရက်နေ့မှာ သတင်းထုတ်ပြန်ထားပါတယ်။ အပတ်စဉ်(၄) အထူးတိုက်ခိုက်ရေးတပ်ဖွဲ့တွေလက် နက် တပ်ဆင်ခြင်းအခမ်းအနားကို အမှတ်(၁)စစ်ဒေသက တာဝန်ရှိသူတွေ တက်ရောက်ခဲ့ကြတယ်လို့ သိရပါတယ်။ အပတ်စဉ် (၄) အထူးတိုက်ခိုက်ရေးတပ်ဖွဲ့ဟာ စစ်ကိုင်းတိုင်း ပင်လည်ဘူးမြို့သိမ်းတိုက်ပွဲမှာရွံ့ရွံ့ချွံချွံ တိုက်ပွဲဝင်ခဲ့ကြတဲ့တပ်ဖွဲ့ တစ်ဖွဲ့ဖြစ်တယ်လို့လည်း သိရပါတယ်။ မျက်မှောက်ခေတ်
ဇန်နဝါရီ ၁၅ စစ်ကိုင်းတိုင်း၊ ဆားလင်းကြီးမြို့နယ်ထဲမှာရှိတဲ့ လက်ပံတောင်းတောင်ကြေးနီစီမံကိန်းနဲ့စံပယ်တောင်ကြေးနီစီမံကိန်းမှာ တာဝန်ထမ်းဆောင်နေတဲ့ Nan – CDM ဝန်ထမ်းတွေကို ဖမ်းဆီးအရေးယူတော့မယ်လို့ ဆားလင်းကြီးမြို့နယ်ပြည်သူ့အုပ်ချုပ်ရေးအဖွဲ့က သတင်းထုတ်ပြန်ပါတယ်။ ဇန်နဝါရီလကုန် နောက်ဆုံးထားပြီး Nan -CDM ဝန်ထမ်းတွေအနေနဲ့ အလင်းဝင်ရောက်ကြဖို့နဲ့ လိုက်နာမှုမရှိတဲ့ Nan – CDM တွေကို အပြစ်ပေးတဲ့လုပ်ရပ်ကိုပါ လုပ်ဆောင်သွားမယ်လို့ သိရပါတယ်။ လက်ပံတောင်းတောင်ကြေးနီစီမံကိန်းနဲ့စံပယ်တောင်ကြေးနီစီမံကိန်းမှာ တာဝန်ထမ်းဆောင်နေတဲ့ Nan – CDM ဝန်ထမ်းတွေဟာ ပြည်သူလူထု့နဲ့ နွေဦးတော်လှန်ရေးကို မျက်နှာမမူပဲ စစ်ကောင်စီယန္တရား သက်ဆိုးရှည်စေရန် စစ်ကောင်စီရဲ့ ဒေါင့်တိုင်တွေလို့လဲ ထုတ်ပြန်ချက်မှာ ဖော်ပြပါတယ်။ ဒါ့အပြင် ပြီးခဲ့တဲ့ ၂၀၂၄ ခုနှစ် အောက်တိုဘာလ ၂၀ ရက်နေ့က လက်ပံတောင်းတောင်ကြေးနီစီမံကိန်းနဲ့စံပယ်တောင်ကြေးနီစီမံကိန်းမှာ တာဝန်ထမ်းဆောင်နေတဲ့ Nan – CDM ဝန်ထမ်းတွေအနေနဲ့ အောက်တိုဘာလ ၃၁ ရက်နေ့ နောက်ဆုံးထား အလင်းဝင်ရောက်ကြဖို့ ဆားလင်းကြီးမြို့နယ်ပြည်သူ့အုပ်ချုပ်ရေးအဖွဲ့က သတင်းထုတ်ပြန်ခဲ့ပါသေးတယ်။ မျက်မှောက်ခေတ်