Author: Ka K
“မုန်တိုင်းမိုးတဲ့ဟေ့စုစုစံသတိပေးပြီရန်ကုန်အပါအဝင်တိုင်းနဲ့ပြည်နယ် 6ခုမှာကြမ်းမယ်”
အောက်တိုဘာ ၂၀၊The Nation Voice သတင်း-015 စစ်မှုထမ်းဖို့ ဖမ်းဆီးထားတဲ့ အမျိုးသားတွေကို ဏာသိမ်းစစ်တပ်ရဲ့ ဒုဗိုလ်ချုပ်မှူးကြီး စိုးဝင်းက မန္တလေးမှာ စစ်မှုထမ်းဖို့ ပို့ဆောင်လိုက်တယ်လို့ ဖမ်းဆီးခံခဲ့ရတဲ့ မိသားစုဝင်တွေ ထံကသိရပါတယ်။ အောက်တိုဘာ ၁၅ ရက်နေ့က မုံရွာအနောက်မြောက်တိုင်း စစ်ဌာနချုပ် နမခဆီကို ဒုဗိုလ်ချုပ်မှူးကြီး စိုးဝင်း ရောက်လာပြီးနောက်မှာ စစ်မှုထမ်းဖို့ အဓမ္မဖမ်းဆီးထားတဲ့ အမျိုးသားတွေအနက်က ၇၈ ဦးကို မန္တလေးမြို့မှာ စစ်မှုထမ်းဖို့ စေလွှတ်ခိုင်းတဲ့ အမိန့်ပေးခဲ့တာကြောင့် အောက်တိုဘာ ၁၇ ရက်နေ့ မနက်ပိုင်းမှာ ပို့ဆောင်လိုက်ပြီလို့ ဖမ်းဆီးခံထားရတဲ့ မိသားစုဝင်တွေဆီက စုံစမ်းသိရပါတယ်။ “အထုပ်တွေပြင်ပြီး ချက်ခြင်းသွားရတာ မန္တလေးဘက်ကနေ သံပြားကာကားတွေနဲ့ လာခေါ်တာ။ သူတို့ထားရာနေ စေရာသွားရတာပေါ့ဗျာ သီတင်းကျွတ် လပြည့်နေ့ကြီးမို့ထင်တယ် လမ်းပိုင်းတလျောက် မိုင်းဆွဲခံရတာတော့ မဖြစ်ခဲ့ပါဘူး”လို့ ဖမ်းဆီးခံလိုက်ရတဲ့ အမျိုးသားတစ်ဦးရဲ့ မိသားစုဝင်က The Nation Voice ကို ပြောပါတယ်။ စစ်မှုထမ်းဖို့ မုံရွာကနေ မန္တလေးကို စေလွှတ်ရာမှာ စစ်ယူနီဖောင်းနဲ့ ကျည်ကာအင်္ကျီသာ ပေးထားပြီး လက်နက်တစ်လက်မှ မပေးဘူးလို့ သူကဆက်ပြောပါတယ်။ စေလွှတ်ခံရတဲ့ အမျိုးသား ၇၈ ဦးအနက်မှာ ၅၀ ကျော်ဟာ စစ်သင်တန်း တစ်လနီးပါး တက်ထားရသူတွေဖြစ်ပေမယ့် ကျန်တဲ့ ၂၀ ဦးကတော့ စစ်သင်တန်းမတက်ရသေးတဲ့ သူတွေလို့ သိရပါတယ်။ စေလွှတ်ခံရသူတွေဟာ အောက်တိုဘာ ၁၇ ရက်နေ့ နေ့လည် ၁ နာရီကျော်မှာ မန္တလေးမြို့ကို ရောက်ရှိသွားပြီး နန်းတွင်းမှာရှိတဲ့ အလယ်တိုင်း စစ်ဌာနချုပ်ထဲမှာ…
အီယိုရီ/People’s Spring မန္တလေးမြို့ရှိ တရုတ်ကောင်စစ်ဝန်ချုပ်ရုံးအား တိုက်ခိုက်သည့်လုပ်ရပ်များကို ကန့်ကွက်ရှုံ့ချကြောင်း NUG နိုင်ငံခြားရေးဝန်ကြီးဌာနက ထုတ်ပြန်လိုက်သည်။ အကြမ်းဖက်စစ်အုပ်စုသည် အမျိုးသားရေးလှုပ် ရှားမှု အမည်ခံ၍ တရုတ်ဆန့်ကျင်ရေး ဆန္ဒ ပြပွဲများ၊ ဆန့်ကျင်လှုပ်ရှားမှုများ ဆောင်ရွက်နေသကဲ့သို့ တချိန်တခါက တရုတ်-မြန်မာပဋိပက္ခ ဖြစ်ပွားစေခဲ့သည့် လက်သည်တရားခံဖြစ်ကြောင်းကိုလည်း ထပ်လောင်းသတိပေးလိုဟု အမျိုးသားညီညွတ်ရေးအစိုးရ NUG နိုင်ငံခြားရေးဝန်ကြီးဌာနက ယနေ့(အောက်တိုဘာ ၁၉ရက်) ဖော်ပြသည်။ အမျိုးသားညီညွတ်ရေးအစိုးရသည် သဘောထားမတူကွဲပြားမှုများ ရှိခဲ့ပါကလည်း သံတမန်နည်းအရ ညှိနှိုင်းဆွေးနွေးအဖြေရှာသည့် နည်းလမ်းဖြင့်သာ ဆောင်ရွက်မည်ဖြစ်သကဲ့သို့ အိမ်နီးချင်းနိုင်ငံများအပါအဝင် နိုင်ငံအားလုံးနှင့် ချစ်ကြည် ရေး၊ကောင်းမွန်သောဆက်ဆံရေး၊ပြည်သူ အချင်းချင်းပူးပေါင်းဆောင်ရွက်ရေးကိုသာ အစဉ်တစိုက်ဦးတည်သွားမည်ဟု ဖော်ပြသည်။ ထို့အပြင် အိမ်နီးချင်းနိုင်ငံများ၏ ပုံရိပ်ကို ထိခိုက်စေမည့် ကိစ္စရပ်များ၊ လူမျိုးရေး၊ဘာသာရေး အမုန်းတရားဖြစ်ပွားစေမည့် ကိစ္စရပ်များ၊ ဆောင်ရွက်ချက်များကို ကန့်ကွက်ရှုံ့ချကြောင်း ဆက်လက်ဖော်ပြသည်။ မန္တလေး တရုတ်ကောင်စစ်ဝန်ရုံးတိုက်ခိုက်ခံရသည့် ဖြစ်ရပ်ကြောင့် လူမျိုးရေးအမုန်းတရားပဋိပက္ခ ဖြစ်ပွားမည်ကိုလည်း NUG က အထူးပင်စိုးရိမ်ကြောင်းနှင့် လူမျိုးရေး၊ ဘာသာရေး ပဋိပက္ခ ဖြစ်ပွားစေမည့် မည်သည့်လုပ်ရပ်မျိုးကိုမဆို အစဉ်တစိုက်ဆန့်ကျင်သွားမည်ဟု အသိပေးသည်။ NUG နိုင်ငံခြားသည် ၂၀၂၁ ဧပြီလကတည်းက အိမ်နီးချင်းနိုင်ငံများ အပေါ်သဘောထားကြေညာချက်ကို ထုတ်ပြန်ထားသကဲ့သို့ ၂၀၂၄ ဇန်နဝါရီလတွင်လည်း တရုတ်ပြည်သူ့သမ္မတနိုင်ငံနှင့်စပ်လျဥ်းသည့်မူဝါဒကို ထုတ်ပြန်ကြေညာထားကာ အဆိုပါ ထုတ်ပြန်ထားသည့် မူဝါဒသဘောထားများအတိုင်း ဆက်လက်ရပ်တည်သွားမည်ဟု ဆိုသည်။ စစ်ကောင်စီကလည်း မန္တလေး တရုတ်ကောင်စစ်ဝန်ရုံးပေါက်ကွဲမှုဖြစ်စဉ်ကို ယနေ့ ညနေပိုင်းတွင် ထုတ်ပြန်ထားပြီး အကြမ်းဖက်သမားများကို ဖမ်းဆီးရမိနိုင်ရေးစုံစမ်းနေကြောင်းနှင့် လိုအပ်သောလုံခြုံရေးလုပ်ငန်းများ တိုးမြှင့်ဆောင်ရွက်လျက်ရှိကြောင်း ဆိုသည်။ တရုတ်ကောင်စစ်ဝန်ရုံးသည် မန္တလေးမြို့တွင်စစ်ကောင်စီတပ်လုံခြုံရေးအများအပြားချထားသောနေရာတွင်တည်ရှိသည်။ (တရုတ်ကောင်စစ်ဝန်ရုံး အနီးစစ်ကောင်စီတပ်က…
ရန်ကုန်၊ အောက်တိုဘာ ၁၉ ရန်ကုန်မြို့၊ မရမ်းကုန်းမြို့နယ်ရှိ အကြမ်းဖက် စစ်တပ်ဂိတ်ကို ဖောက်ခွဲ တိုက်ခိုက်ခဲ့ကြောင်း God’s Hand Forces (GHF) အဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။ အောက်တိုဘာလ ၁၉ ရက်နေ့ နံနက် ၁၂ နာရီ ၂၀ မိနစ်ခန့်တွင် မရမ်းကုန်းမြို့နယ်၊ ကမ္ဘာအေးဘုရားလမ်း နှင့် စွယ်တော်လမ်းထောင့်ရှိ အကြမ်းဖက် စစ်တပ်ဝင်း အဝင်ဂိတ်ကို ဖောက်ခွဲတိုက်ခိုက်ခဲ့ကြောင်း သိရသည်။ ယင်း တိုက်ခိုက်မှု အတွင်း အကြမ်းဖက် စစ်ကောင်စီ တပ်သားများ ထိခိုက်မှု အခြေအနေကို အတည်မပြုနိုင်သေးဘဲ တော်လှန်ရေး ရဲဘော်များ ဘေးကင်းစွာ ဆုတ်ခွာနိုင်ခဲ့ကြောင်း သိရှိရသည်။ အဆိုပါ တိုက်ခိုက်မှုကို God’s Hand Forces (GHF) အဖွဲ့က ” M 043 စစ်ဆင်ရေး ” ၏ တစ်စိတ်တစ်ဒေသ အဖြစ် အဌမ အကြိမ် လုပ်ဆောင်ခဲ့ခြင်းဖြစ်ပြီး မြို့ပြတွင် အကြမ်းဖက် စစ်ကောင်စီအနေနှင့် လုံးဝအုပ်ချုပ်ခွင့်မရ ၊ စစ်ကောင်စီ၏ ဒေါက်တိုင်များကို ရိုက်ချိုးမည်ဟူသော ရည်ရွယ်ချက်နှင့် အညီ တိုက်ခိုက်နေခြင်းကြောင့် ပြည်သူ အနေဖြင့် စစ်ကောင်စီနှင့် ပတ်သတ်သော ဒေါက်တိုင်များ ၊ လုပ်ငန်းဌာနများ ၊ စစ်ကောင်စီ၏ အထိုင်ကင်းများ လှည့်ကင်းများနှင့် ဝေးရာမှ ရှောင်ရှားသွားလာကြပါရန် God’s Hand Forces (GHF) အဖွဲ့မှ တာဝန်ရှိသူ တစ်ဦးက ပြောဆိုသည်။
အောက်တိုဘာ ၁၈ ၊ ၂၀၂၄ ကရင်ပြည်နယ်၊ ကော့ကရိတ်မြို့နယ်၊ လေးကေ့ကော်မြို့သစ်အနီးက စစ်ကောင်စီရဲ့ စွယ်တော်ကုန်းအမြောက်တပ် စခန်းသိမ်းတိုက်ပွဲကနေ ပြန်လာတဲ့ ကော်ဘရာစစ်ကြောင်း ၂ (Venom) စစ်ကြောင်းက ရဲဘော်တွေကို ပြည်သူတွေက အောင်သပြေနဲ့ ကြိုဆိုခဲ့တယ်လို့ အဆိုပါစစ်ကြောင်းက ဓာတ်ပုံတွေနဲ့အတူ ထုတ်ပြန်ဖော်ပြထားပါတယ်။ အကြမ်းဖက်စစ်ကောင်စီတပ် မစခ−၆၀၆ လက်အောက်ခံ အမြောက်တပ်ဖွဲ့ ပူးတွဲတာဝန်ယူထားတဲ့ စွယ်တော်ကုန်း နယ်စပ်ခြေကုတ်အမြောက်စခန်းကို ကရင်အမျိုးသားလွတ်မြောက်ရေးတပ်မတော် (K.N.L.A) ဦးဆောင်တဲ့ ကရင်အမျိုးသားကာကွယ်ရေးတပ်ဖွဲ့ (K.N.D.O) နဲ့ တော်လှန်ရေးပူးပေါင်းတပ်တို့က (၇) လကြာ ဝန်းရံ ပိတ်ဆို့ပြီးနောက် အောက်တိုဘာလ (၁၇) ရက် မနက်အစောပိုင်းမှာ တိုက်ခိုက်သိမ်းပိုက်နိုင်ခဲ့တာပါ။ စွယ်တော်ကုန်း နယ်စပ်ခြေကုတ်အမြောက်စခန်းဟာ ၂၀၀၃ ခုနှစ်ကစလို့ ထိုင်း−မြန်မာ နယ်စပ်တပ်စခန်းအဖြစ် စတင်တပ်စွဲခဲ့ပြီး အရှေ့တောင်တိုင်းစစ်ဌာနချုပ် (ရတခ) လက်အောက်ခံတပ်တွေ တာဝန်ယူခဲ့သလို ၂၀၂၁ ခုနှစ် အကြမ်းဖက်စစ်တပ် အာဏာသိမ်းချိန်ကစလို့ တပ်မ (၂၂)၊ တပ်မ (၄၄) နဲ့ ကမ်းရိုးတမ်းတပ်တွေပါ လာရောက်တပ်စွဲခဲ့တဲ့ တပ်စခန်းတစ်ခု ဖြစ်တယ်လို့ KNU က ဆိုပါတယ်။
ကန်ပိုက်တီဒေသရှိ နယ်ခြားစောင့်တပ်(၁၀၀၃) တပ်ရင်းဌာနချုပ်ကို KIAသိမ်းပိုက် ▪️ကန်ပိုက်တီနှင့် ပန်ဝါဒေသရှိ စစ်ကောင်စီလက်အောက်ခံတပ်စခန်း ၅ခုထက်မနည်း ယနေ့သိမ်းပိုက် ▪️တိုက်ပွဲကြောင့် ပန်ဝါဒေသခံများ စစ်ဘေးရှောင်ရန် ကြိုးပမ်း၊ တရုတ်ဘက်က ပေးမဝင်၍ နယ်စပ်ဂိတ်၌ စုပြုံနေ ဟန်နွေ/People’s Spring ကချင်ပြည်နယ် ကံပိုက်တီဒေသ စင်ကြိုင်ကျေးရွာအနီးရှိ စစ်ကောင်စီ လက်အောက်ခံ နယ်ခြားစောင့်တပ်ဖွဲ့(၁၀၀၃) တပ်ရင်းဌာနချုပ်ကို ကချင်လွတ်လပ်ရေးတပ်မတော်(KIA)က ယနေ့ ညနေပိုင်းတွင် တိုက်ခိုက်သိမ်းပိုက်ခဲ့ကြောင်း ကချင်စစ်ရေးသတင်းရင်းမြစ်အချို့က ပြောသည်။ အောက်တိုဘာ ၁၅ရက်တွင် ပန်ဝါမြို့အနီး လုပီဒေသ အခြေစိုက် နယ်ခြားစောင့်တပ် BGF (၁၀၀၂) တပ်ရင်းဌာနချုပ်ကို KIAက သိမ်းပိုက်ပြီးနောက် ကန်ပိုက်တည်-ဆဒုံးကြားရှိ (၁၀၀၃)တပ်ရင်းကို ယနေ့တွင် ဆက်လက်ထိုးစစ်ဆင်ခဲ့ခြင်းဖြစ်သည်။ “ဟုတ်တယ် ၁၀၀၃က ဒီညနေ ၅နာရီလောက် သူတို့က ရှင်းလင်းရေးလုပ်လိုက်တယ်။ မနက်ပိုင်းက ကာကင်းကို မနက်ပိုင်း သိမ်းလိုက်တယ်။ ညနေပိုင်းတော့ ၁၀၀၃ကို ပြန်သိမ်းလိုက်တာပေါ့။ သူတို့ ရှင်းလင်းရေးလုပ်လိုက်တာ”ဟု ကချင်စစ်ရေးသတင်းရင်းမြစ်က ပြောသည်။ အခြားသတင်းရင်းမြစ်တစ်ဦးကလည်း အမှတ်(၁၀၀၃)နယ်ခြားစောင့်တပ် (စစ်ကြိုင်)၏ ကာကင်းစခန်း သုံးခုကို သိမ်းပိုက်ထားသလို ပန်ဝါမြို့အနီး ချန်းယင်ခူး ဂိတ်စခန်း၊ ကန်ပိုက်တည် လမ်း လဖိုင်နှင့် နခတ(၁၀၀၃)ကြားရှိ ဒွန်ဘန်ခ တံတားစခန်းအား သိမ်းပိုက်ပြီး ဖြစ်ဟု အသိပေးသည်။ စစ်ရေးနိုင်ငံရေးလေ့လာသူ ဦးဇော်ဆန်ကလည်း (၁၀၀၃)တပ်ရင်းကို နယ်မြေရှင်းလင်းနေကြောင်း ကနဦး သတင်းရရှိသည်ဟု ယနေ့ညနေပိုင်းတွင် ပြောသည်။ KIA သည် ဆဒုံး၊ ချီဖွေ၊ ဆော့လော်မြို့များကို အပြီးသတ် သိမ်းပိုက်ပြီးနောက် စစ်ကောင်စီ လက်အောက်ခံ ဦးဇခုန်တိန့်ယိန်း…
မန္တလေးတိုင်း၊ မြင်းခြံမြို့ နွားထိုးကြီးနယ် အစပ်က ရွာကြီးကျေးရွာကို စစ်အုပ်စု လေကြောင်းက ဗုံးကြဲတိုက်ခိုက် လို့ ပြည်သူ့ကာကွယ်ရေးတပ်ဖွဲ့ဝင် (PDF)ရဲဘော်ခြောက်ဦးကျဆုံးခဲ့ပြီး ဒေသခံ ပြည်သူငါးဦး ထိခိုက်ဒဏ်ရာရရှိခဲ့ တယ်လို့ ဒေသခံ သတင်းရင်းမြစ်က MFP ကို ပြောပါတယ်။ ပြီးခဲ့တဲ့ အောက်တိုဘာလ ၁၅ ရက် ည ၈ နာရီဝန်းကျင်မှာ စစ်အုပ်စုက ရွာကြီးကျေးရွာထဲကို လေကြောင်းကနေ ဗုံးနှစ်လုံးကြဲချခဲ့ရာမှာ ပြည်သူ ငါးဦး ထိခိုက်ဒဏ်ရာရရှိခဲ့တာဖြစ်ပါတယ်။ စစ်အုပ်စုဟာ ရွာကြီးရွာကို ဗုံးကြဲချပြီးနောက် မြင်းခြံနယ် အရှေ့မြောက်ခြမ်းဘက်ကို လေကြောင်းကနေ ထပ်မံဗုံး ကြဲ တိုက်ခိုက်ခဲ့ရာမှာ တော်လှန်ရေးရဲဘော် ခြောက်ဦး ထိခိုက်ကျဆုံးခဲ့တာလို့ ဆိုပါတယ်။ “၁၅ ရက်နေ့ည ရှစ်နာရီခွဲလောက်မှာ မြင်းခြံနဲ့ နွားထိုးကြီးနယ်အစပ်က ရွာကြီးရွာပေါ်ကို ဗုံးနှစ်လုံးချတယ်။ ပြည် သူ ငါးဦးထိခိုက်ပြီးတော့ တစ်ဦးကတော့ စိုးရိမ်ရတယ်လို့ ကြားရတယ်။ အဲဒီလို ရွာကြီးရွာကို ဗုံးကြဲပြီး မကြာဘူး ဒေသခံ တော်လှန်ရေးတပ်ဖွဲ့တွေရဲ့ စခန်းရှိတဲ့နေရာကို ဗုံးလာကြဲသွားတယ်။ စခန်းပေါ်ကို ပထမဆုံး ဗုံးနှစ်လုံး လာကြဲတဲ့အချိန်မှာ ရဲဘော် လေးဦး ကျသွားတယ်ဗျ။ အဲဒီအချိန်မှာ ကျွန်တော်တို့က ရှင်းလင်းရေးတွေလုပ်ပြီး ရဲ ဘော်အလောင်းတွေ ကောက်ယူနေချိန်မှာပဲ နောက်ထပ် လေယာဉ်နဲ့ထပ်လာပြီးတော့ ကြဲသွားတဲ့အတွက် နှစ်ဦး ထပ်ကျသွားတာပါ။ စုစုပေါင်း ရဲဘော်ခြောက်ဦး ကျဆုံးသွားပါတယ်ဗျ”လို့ မြင်းခြံဒေသခံ သတင်းရင်းမြစ်က MFP ကို ပြောပါတယ်။ အခုလို မြင်းခြံနယ်ထဲက တော်လှန်ရေးတပ်ဖွဲ့ရဲ့ စခန်းတည်ရှိရာကို နေရာအတိအကျ လေကြောင်းကနေ…
ရန်ကုန်၊ အောက်တိုဘာ ၁၇ မန္တလေးမြို့၊ မဟာအောင်မြေမြို့နယ်ရှိ အကြမ်းဖက် စစ်တပ်နှင့် ပျူစောထီးများ စုရပ်နေရာကို တော်လှန်ရေး တပ်ဖွဲ့က ဝင်ရောက်ပစ်ခတ်ခဲ့ရာ စစ်တပ်ဘက်မှ ထိခိုက်သေဆုံးမှုရှိကြောင်း 𝑴𝑫𝒀 𝑹𝒆𝒗𝒐𝒍𝒖𝒕𝒊𝒐𝒏 အဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။ ယနေ့ အောက်တိုဘာလ ၁၇ ရက်နေ့ နံနက် ၂ နာရီခန့်တွင် မဟာအောင်မြေမြို့နယ် ၄၃ လမ်း ၅၅×၅၆ ကြားရှိ အကြမ်းဖက် စစ်တပ်၏ စစ်သားများ၊ ပျူစောထီးများနှင့် ရပ်ကွက်တွင်းရှိ လူမိုက်များ လူစုနေထိုင်သော နေရာကို တော်လှန်ရေး တပ်ဖွဲ့များက ဝင်ရောက် ပစ်ခတ် တိုက်ခိုက်ခဲ့ခြင်းဖြစ်ကြောင်း သိရသည်။ ယင်းတိုက်ခိုက်မှု အတွင်း အပြန်အလှန်ပစ်ခတ်သံ အချက် ၂၀ ခန့် ထွက်ပေါ်ခဲ့ပြီး အကြမ်းဖက် စစ်ကောင်စီ တပ်သားများ ထိခိုက်သေဆုံးမှုရှိသော်လည်း အရေအတွက်ကို အတည်မပြုနိုင်သေးကြောင်း၊ ထို ပစ်ခတ်မှုဖြစ်ပွားပြီးနောက် ယနေ့ နံနက်ပိုင်းတွင် အသုဘ မဏ္ဍပ် တစ်ခု လမ်းပိတ်၍ ထိုးထားသည်ကို တွေ့ရကြောင်း 𝑴𝑫𝒀 𝑹𝒆𝒗𝒐𝒍𝒖𝒕𝒊𝒐𝒏 အဖွဲ့မှ တာဝန်ရှိသူ တစ်ဦးက ပြောဆိုသည်။ “ဒီကောင်တွေက အဲ့ဒီနေရာမှာ စုရပ်လုပ်ထားတာ ပေါက်ကိုယ်တော်လည်း မကြာမကြာရှိတတ်တယ်။ အဲ့ဒီနေရာမှာ အင်အား ၅၀နဲ့ ၁၀၀ ကြား စုပြီးနေတာ နံနက်ပိုင်းဆို စစ်ခွေးဝတ်စုံတွေနဲ့လည်း ထွက်တယ်။ ည အရပ်ဝတ်နဲ့ ထွက်တယ်။ ၄၃လမ်းနဲ့ ၅၅×၅၆ ကြားမှာ ကင်းတဲပေါ်မှာ Sniper သမားတွေလည်းရှိတယ်။…
ရန်ကုန်၊ အောက်တိုဘာ ၁၇ မန္တလေးမြို့၊ ချမ်းအေးသာဇံမြို့နယ်၊ ၂၈ လမ်း ၊ ၈၁ လမ်းနှင့် ၈၂ လမ်းကြား ကားပစ္စည်းအရောင်းဆိုင်ကို ဓားပြဝင်တိုက် ခံရကာ ဆိုင်ပိုင်ရှင် အမျိုးသမီး တစ်ဦး ဓားထိုးခံရကြောင်း Voice Of Mandalay က ရန်ကုန်ခေတ်သစ်သတင်းဌာနထံသို့ ပြောကြားသည်။ ယနေ့ အောက်တိုဘာလ ၁၇ ရက် မွန်းလွဲ ၁ နာရီခန့်က ချမ်းအေးသားဇံမြို့နယ်၊ ၂၈ လမ်း ၊ ၈၁ လမ်း နှင့် ၈၂ လမ်းကြားရှိ ဗန္ဓာပင်ကိုလေး ကား ပစ္စည်းဆိုင်ကို မုန့်မှာစားနေကျ Delivery သမား၏ နောက် မှ လူ နှစ်ဦးက ကပ်လျက်လိုက်ပါလာပြီး ဓားပြတိုက်မှုဖြစ်ပွားခဲ့ကာ အိမ်ရှင်အမျိုး သမီး၌ လည်းပင်း နှင့် လက်တို့တွင် ဓားဒဏ်ရာအသီးသီးရရှိခဲ့ကြောင်း သိရသည်။ “အခါကြီး ရက်ကြီးမှာ ဓားပြတိုက်ခံရတာ။ ၂၈ လမ်း၊ ၈၁ လမ်းနဲ့ ၈၁ လမ်းကြား ဗန္ဓာပင်ကိုလေး ကား ပစ္စည်းဆိုင် အတိုက်ခံရတာ၊ မုန့်မှာစားနေကျ Delivery နောက်ကနေ နှစ်ယောက် လိုက်လာပြီး ဓားပြတိုက်သွားတာလို့ပဲ သိရပါတယ်။ ပစ္စည်းတွေပါသွား ၊မသွားတော့ မသိရသေးဘူး။ အိမ်ရှင် အမျိုးသမီးတော့ လည်းပင်း ဓားဒဏ်ရာ၊ လက်ဓားဒဏ်ရာရတယ်လို့ သိရတယ်” ဟု Voice Of Mandalay မှ တာဝန်ရှိသူက ရန်ကုန်ခေတ်သစ်သတင်းဌာနထံသို့ ပြောကြားသည်။ အဆိုပါ ဓားပြခိုက်ခံရသည့် နေအိမ်သို့…
ရန်ကုန်၊ အောက်တိုဘာ ၁၇ မြန်မာနိုင်ငံတစ်ဝန်းလမ်းမများပေါ်တွင် သွားလာနေသော ကုန်ကားများနှင့် အိမ်စီးကားများတွင် တင်ဆောင်ထားသော ပြည်ပကုန်ပစ္စည်းမှန်သမျှကို စစ်ကောင်စီက ပူးပေါင်းအဖွဲ့များဖြင့် ဖမ်းဆီးစစ်ဆေးနေကြောင်း စီးပွားရေးနှင့်ကူးသန်းရောင်းဝယ်ရေး သတင်းရင်းမြစ်က ပြောဆိုသည်။ အောက်တိုဘာလဆန်းပိုင်းမှစတင်ပြီး စစ်ကောင်စီက ထွေ/အုပ်၊ ရဲ၊ စစ်တပ်နှင့် စားသုံးသူရေးရာ ဦးစီးဌာန၊ အကောက်ခွန်၊ စီးပွား/ကူးသန်း အပါအဝင် ဌာနပေါင်းစုံ ပါဝင်သော ပူးပေါင်းအဖွဲ့များကို ဖွဲ့စည်းပြီး တရားမဝင် ကုန်သွယ်မှု တိုက်ဖျက်ရေး ခေါင်းစဉ်ဖြင့် လမ်းမများတွင် ဂိတ်ချ စစ်ဆေးမှုများ တင်းကျပ်စွာဖြင့် ဆောင်ရွက်လာခြင်းဖြစ်ကြောင်း၊ လက်ရှိတွင် သွင်းကုန်လိုင်စင်နှင့်စာရွက်အထောက်အထား မပြနိုင်သော ပြည်ပထုတ်ကုန်မှန်သမျှကို ဖမ်းဆီး စစ်ဆေးလျက်ရှိပြီး ယာဉ်မောင်းများကိုပါ ပို့ကုန်သွင်းကုန်ဥပဒေဖြင့် အမှုဖွင့် လျက်ရှိကြောင်း သိရှိရသည်။ “ရန်ကုန်-မန္တလေး အမြန်လမ်း၊ လမ်းဟောင်း၊ မန္တလေး-လားရှိုးလမ်း၊ ညောင်ခါးရှည်ဂိတ်၊ မုပ္ပလင်ဂိတ်တွေမှာ တရားမဝင်ကုန်ပစ္စည်းတွေ မဝင်လာအောင် ပိုပြီးတော့ တိုးမြှင့်စစ်ဆေးနေပါတယ်။ ရေကြောင်း၊ လေကြောင်း၊ ကုန်ကြောင်း၊ အကုန်လုံးမှာ စစ်ဆေးနေပါတယ်။ နောက်ပြီး မြို့နယ်တွေမှာလည်း ထွေ/အုပ်၊ ရဲ၊ မီးသတ်နဲ့ FDA ၊ စားသုံးရေးရာဦးစီး ဌာန၊ စီးပွား/ကူးသန်း စုပေါင်းအဖွဲ့တွေက ဆိုင်တွေနဲ့ စျေးဆိုင်တွေ၊ ကုန်တိုက်တွေကိုလည်း စစ်ဆေးနေပါတယ်။ ပြည်ပက သွင်းတဲ့ တစ်ကိုယ်ရည်သုံး လူသုံးကုန် ကစလို့ လုပ်ငန်းသုံး၊ ဆေးဝါး အကုန်စစ်ဆေးပါတယ်။ သွင်းကုန် အထောက်အထား မပြနိုင်ရင်တော့ အကုန်သိမ်းမယ့်အပြင် လက်ဝယ်ထားရှိသူနဲ့ တင်သွင်းသူကိုလည်း ပို့ကုန်သွင်းကုန်ဥပဒေနဲ့ အမှုဖွင့် အရေးယူတာတွေ လုပ်နေပါတယ်” ဟု စီးပွားရေးနှင့်ကူးသန်းရောင်း ဝယ်ရေး…