Author: Ka K
ရန်ကုန်၊ အောက်တိုဘာ ၃၀ အကြမ်းဖက် စစ်ကောင်စီက ပြည်သူများကို ဖိနှိပ်ညှဉ်းပန်း သတ်ဖြတ်နေမှုများကို မနှစ်မြို့တော့ဘဲ လက်မခံနိုင်တော့သဖြင့် ဗိုလ်မှူးအောင်မျိုးသွင် ဦးဆောင်သော အရာရှိနှင့်စစ်သည် ၃၅ ဦးပါ တပ်ဖွဲ့နှင့် ဗိုလ်မှူး အောင်ကိုထွေး ဦးဆောင်သော ၂၆ ဦး တပ်ဖွဲ့တို့က အမျိုးသားညီညွတ်ရေးအစိုးရ- NUG၊ကာကွယ်ရေးဝန်ကြီးဌာန ထံတွင် CDM ဝင်လိုက်ကြကြောင်း သိရှိရသည်။ ပလက်၀ အခြေစိုက် တပ်များမှ ဗိုလ်မှူး အောင်မျိုးသွင် ဦးဆောင်သော အရာရှိ ၃ ဦး၊ စစ်သည် ၃၁ ဦး၊ ရဲမေ ၁ ဦး စုစုပေါင်း ၃၅ ဦး ပါဝင်သော တပ်ဖွဲ့က ယခုနှစ် ဇန်နဝါရီလ ၈ ရက်နေ့တွင်လည်းကောင်း၊ ဗိုလ်မှူး အောင်ကိုထွေး ဦးဆောင်သော အရာရှိ ၃ ဦး၊ စစ်သည် ၂၃ ဦး စုစုပေါင်း ၂၆ ဦး ပါဝင်သော တပ်ဖွဲ့က ယခုနှစ် ဇန်နဝါရီလ ၁၀ ရက်နေ့တွင်လည်းကောင်း အမျိုးသားညီညွတ်ရေးအစိုးရ-NUG ၊ ကာကွယ်ရေးဝန်ကြီးဌာနထံတွင် CDM ဝင်၍ ပြည်သူ့ရင်ခွင် ခိုလှုံလာခြင်းဖြစ်သည်။ “စစ်ကောင်စီအနေနဲ့ ပြည်သူ့အာဏာကို မတရားရယူခြင်း ပြည်သူ မတရားညှဉ်းပန်းနှိပ်စက်ခြင်း၊ ပြည်သူကို မတရားသတ်ဖြတ်ခြင်း၊ ဒါတွေကို မြင်တွေ့ ကြားသိနေရတယ်။ ဒါတွေကြောင့် ပြည်သူ့ရင်ခွင့် CDM ဝင်ရောက်ခဲ့တာဖြစ်ပါတယ်” ဟု CDM ဗိုလ်မှူး အောင်မျိုးသွင်က ပြောဆိုသည်။ ပြည်သူ့ရင်ခွင် ခိုလှုံလာသော အရာရှိနှင့် စစ်သည်…
ရန်ကုန်၊ အောက်တိုဘာ ၃၀ အကြမ်းဖက် မင်းအောင်လှိုင်ကို လာမည့် နိုဝင်ဘာလတွင် တရုတ်နိုင်ငံသို့ ဖိတ်ခေါ်ထားသည်ဆိုသော သတင်းများ ထွက်ပေါ်နေပြီး ယင်းသတင်းများ မှန်ကန်ပါက တရုတ်အနေဖြင့် ယင်းသို့ ဖိတ်ခေါ်ထားမှုကို ပြန်လည် သုံးသပ်သင့်ကြောင်း အမျိုးသားညီညွတ်ရေးအစိုးရ-NUG ၊ သမ္မတရုံးပြောရေးဆိုခွင့်ရှိသူ ဦးကျော်ဇော်က ပြောဆိုသည်။ NUG က တရားဝင် ထုတ်ပြန်သော “ပြည်သူလူထုနှင့်နိုင်ငံတကာသို့သတင်းစကားပြောကြားခြင်း(Press Briefing)အစီအစဉ်”တွင် ၎င်းက အထက်ပါအတိုင်း ပြောဆိုခြင်းဖြစ်သည်။ အကြမ်းဖက်မင်းအောင်လှိုင် တရုတ်နိုင်ငံသို့ နိုဝင်ဘာလအတွင်း သွားရောက်ပြီး မဲခေါင်နိုင်ငံများဆိုင်ရာ အစည်းအဝေးတက်မည်ဆိုသော သတင်းများ မီဒီယာများမှတစ်ဆင့် သိရှိရကြောင်း၊ သို့ရာတွင် တရုတ်နိုင်ငံဘက်က တိတိကျကျ ပြောဆိုခြင်းမရှိသေးကြောင်း၊ အမျိုးသားညီညွတ်ရေးအစိုးရအနေဖြင့် တရုတ်နိုင်ငံကို အိမ်နီးချင်းကောင်းပီသစွာရပ်တည်ရန်နှင့် တရုတ်တစ်နိုင်ငံတည်း မူဝါဒကို ထောက်ခံသည်ဟု ၂၀၂၄ ခုနှစ်၊ ဇန်နဝါရီလဆန်းတွင် ထုတ်ပြန်ခဲ့ပြီးဖြစ်ကြောင်း၊ အကြမ်းဖက် မင်းအောင်လှိုင်သည် နိုင်ငံတွင်း ပဋိပက္ခနှင့် မတည်ငြိမ်မှုများ ဖန်တီးနေသော လူသတ် အကြမ်းသမားကြီးဖြစ်ကြောင်း ၎င်းက ဆိုသည်။ “အခုတလောမှာတော့ အကြမ်းဖက်စစ်ခေါင်းဆောင် မင်းအောင်လှိုင် နိုဝင်ဘာလအတွင်းမှာ တရုတ်နိုင်ငံက အိမ်ရှင်အနေနဲ့ ကျင်းပတဲ့ မဲခေါင် Sub region အစည်းအဝေးကို တက်ရောက်ဖို့အတွက် တရုတ်နိုင်ငံကို သွားမယ်ဆိုတဲ့ သတင်းတွေ မီဒီယာတွေကနေ တစ်ဆင့် သိရှိရပါတယ်။ တရုတ်နိုင်ငံဘက်က တာဝန်ရှိသူတွေနေနဲ့ကတော့ တိတိကျကျ ပြောကြားတာကို မတွေ့ရှိသေးပါဘူး။ ဒါနဲ့ ပတ်သက်ပြီး ကျွန်တော်တို့ရဲ့ ရပ်တည်ချက် ၊ ကျွန်တော်တို့ရဲ့ အမြင်တချို့ကို ပြောပြချင်ပါတယ်။ အမျိုးသား ညီညွတ်ရေးအစိုးရရဲ့ တရုတ်နိုင်ငံနဲ့ ပတ်သက်တဲ့သဘောထားကို…
မန္တလေးမြို့ အခြေစိုက် ပရဟိတမင်းခေါင်အဖွဲ့ရဲ့ ဥက္ကဋ္ဌ နဲ့ အသင်းဝင်တွေအပါအဝင် ၈ ဦးခန့် ကို အောက်တိုဘာလ ၂၆ ရက် ညနေပိုင်းမှာ စစ်ကောင်စီက ဖမ်းဆီးသွားတယ်လို့ မန္တလေးအခြေစိုက် ပရဟိတအသင်းအချို့ထံကသိရပါတယ်။ အောင်မြေသာစံမြို့နယ်၊ ၂၆ လမ်း မှာ ရုံးစိုက်ထားတဲ့ ပရဟိတ မင်းခေါင် ရှာဖွေ ကယ်ဆယ်ရေး အဖွဲ့ ရုံးမှာ လာရောက်ဖမ်းဆီးသွားတာပါ။ အသင်းရဲ့ ဥက္ကဋ္ဌ ဦးမင်းခေါင် အပါအဝင် ၈ ဦးဖမ်းခံရတာဖြစ်ပြီး အမျိုးသမီး တွေလည်းပါတယ်လို့ ပရဟိတမင်းခေါင် ရှာဖွေကယ်ဆယ်ရေးအဖွဲ့ နဲ့ နီးစပ်တဲ့ မန္တလေးအခြေစိုက် ပရဟိတ အဖွဲ့ဝင် တစ်ဦးက ပြောပါတယ်။ ” ဘာကိစ္စဆိုတာ တိတိကျကျမသိရသေးဘူး၊ အဆက်အသွယ်လည်း မရတော့လေ “လို့ အဲဒီ ပရဟိတ အဖွဲ့ဝင်ကဆိုပါတယ်။ ပရဟိတမင်းခေါင် အဖွဲ့ ဖမ်းဆီးခံရတာက ဒေါက်တာဇော်မြင့်မောင်ရဲ့ နာရေး မှာ ယာဉ်တန်းနဲ့ လိုက်ပါ ပို့ဆောင်တာကြောင့်လို့သတင်းထွက်နေပေမယ့် သီးခြားအတည်မပြုနိုင်ပါဘူး။ “နာရေးပို့လို့တော့ မဖြစ်နိုင်ဘူးထင်တယ်၊ ဖမ်းမယ်ဆို မန္တလေးက အသင်းတော်တော်များများပါနိုင်မယ်”လို့ ဒေါက်တာဇော်မြင့်မောင်နာရေးကိုလိုက်ပို့ဆောင်ပေးခဲ့တဲ့ ပရဟိတအဖွဲ့ ဝင်တစ်ဦးကလည်းပြောပြပါတယ်။ စစ်တပ်အာဏာသိမ်းချိန်ကလည်း ပရဟိတ မင်းခေါင် အဖွဲ့ရဲ့ ဥက္ကဋ္ဌ နဲ့ အဖွဲ့ဝင်အချို့ကို စစ်တပ်က တစ်လကြာဖမ်းဆီးပြီး ပြန်လွှတ်ပေးခဲ့ပါတယ်။ အခုတစ်ကြိမ်ကတော့ ဒုတိယအကြိမ်မြောက် ဖမ်းဆီးခံရတာ ဖြစ်ပါတယ်။ ဆိုင်းမင်း/People’s Spring ဆက်လက်ဖတ်ရှုရန်
▪️၂ရက်အတွင်း သေဆုံးသူစစ်သုံ့ပန်း ၁၂ဦး အထိရှိလာ ဇေအောင်၊ဟန်နွေ/People’s Spring ပြည်သူ့ကာကွယ်ရေးတပ်မတော်(မန္တလေး)၏ စစ်သုံ့ပန်းများထားရှိရာ အချုပ်ဆောင်အား စစ်ကောင်စီက လေကြောင်းထပ်မံတိုက်ခိုက်ရာ ဗိုလ်မှူးတစ်ဦးအပါအဝင် ၄ဦး သေဆုံးခဲ့ကြောင်း မန္တလေး PDFက သတင်းထုတ်ပြန်သည်။ ယနေ့(အောက်တိုဘာ ၃၀ရက်) နံနက် ၁နာရီခန့်က ပြည်သူ့ကာကွယ်ရေးတပ်မတော် (မန္တလေး)၏ စစ်သုံ့ပန်းများထားရှိရာ အချုပ်ဆောင်အား လေကြောင်းတိုက်ခိုက်မှု ထပ်မံတိုက်ခိုက်ခဲ့ရာ စစ်သုံ့ပန်း ဗိုလ်မှူးတစ်ဦးအပါအဝင် ၄ဦး သေဆုံးကာ တစ်ဦးဒဏ်ရာရရှိကြောင်း မန္တလေး PDFက အသိပေးသည်။ “အချုပ်ဆောင်တွေမှာ လေကြောင်းရန်ကာကွယ်ရေးနဲ့ပတ်သက်တဲ့ လုံခြုံရေးဆိုင်ရာ အစီအမံတွေရှိပေမယ့် ညသန်းခေါင်လူခြေအိပ်ချိန်မှာ ပြုလုပ်ခဲ့တာဖြစ်တဲ့အတွက် ထိခိုက်မှုအချို့ ရှိခဲ့တာဖြစ်ပါတယ်။”ဟု မန္တလေး PDF ပြောရေးဆိုခွင့်ရှိသူ ကိုအော်စမွန်က ပြောသည်။ စစ်ကောင်စီသည် သုံ့ပန်းအဖြစ် ဖမ်းဆီးခံရသော ၎င်းတို့၏ တပ်ဖွဲ့ဝင်များကို ပစ်မှတ်ထား၍ လေကြောင်းတိုက်ခိုက်မှုများ ပြုလုပ်လျက်ရှိပြီး ၂ရက်အတွင်း သေဆုံးသူ၁၆ဦး အထိရှိလာကြောင်း မန္တလေး PDFက ထုတ်ပြန်သည်။ အောက်တိုဘာ ၂၈ ရက်က လေကြောင်းတိုက်ခိုက်မှုတွင် ဘီလူးစစ်ကြောင်းမှ စစ်သုံ့ပန်း ၄ဦးအပါအဝင် စစ်သုံ့ပန်း၈ဦးနှင့် အခြားအကျဥ်းသား ၄ဦး၊ စုစုပေါင်း ၁၂ဦး သေဆုံးကာ ၆၀ဦးဝန်းကျင် ဒဏ်ရာရရှိခဲ့သည်။ ပြည်သူ့ကာကွယ်ရေးတပ်မတော် (မန္တလေး)အနေဖြင့် စစ်ဆင်ရေးများအတွင်း ဖမ်းဆီးရမိခဲ့သော စစ်သုံ့ပန်းများကို သုံ့ပန်းဥပဒေနှင့်အညီ ကောင်းမွန်စွာထိန်းသိမ်းထားရှိခဲ့သော်လည်း စစ်ကောင်စီသည် ၎င်းတို့၏ တပ်ဖွဲ့ဝင်ဟောင်းများကို ပစ်မှတ်ထား၍ လေကြောင်းတိုက်ခိုက်မှု ပြုလုပ်ခဲ့သည်ကို တွေ့မြင်ရကြောင်း မန္တလေး PDFက သုံးသပ်သည်။ “စစ်သုံ့ပန်းတွေ ထားတဲ့နေရာမှန်းသိလို့ စစ်ကောင်စီဘက်က ရည်ရွယ်ချက်ရှိရှိ လေကြောင်းတိုက်ခိုက်ခဲ့တယ်လို့ ယူဆပါတယ်။”ဟု…
People’s Spring ကုလသမဂ္ဂက ခန့်အပ်ထားတဲ့ မြန်မာနိုင်ငံဆိုင်ရာ အထူးကိုယ်စားလှယ် ဂျူလီယန် ဘိရှော့ဟာ အာဏာသိမ်း စစ်ခေါင်းဆောင်နဲ့ တွေ့ဆုံဖြစ်ခဲ့ကြောင်း ထုတ်ဖော် ပြောကြားခဲ့ပါတယ်။ အောက်တိုဘာ ၂၉ ရက်နေ့က ကုလသမဂ္ဂ အစည်းအဝေး တစ်ခုမှာ သူက နေပြည်တော် ခရီးစဉ်အတွင်း အာဏာသိမ်း စစ်ခေါင်းဆောင် မင်းအောင်လှိုင်နဲ့ တွေ့ဆုံခဲ့တဲ့ အကြောင်းကို တရားဝင် အသိပေးခဲ့တာ ဖြစ်ပါတယ်။ နောက်ပြီး မြန်မာ့ နိုင်ငံရေး အကျပ်အတည်းကို ဖြေရှင်းရာမှာ ဆက်စပ်ပါဝင်တဲ့ အဖွဲ့အစည်းတိုင်း အနေနဲ့ တစ်ဖက်က သေချာပေါက် ရှုံးနိမ့်သွားမှ တစ်ဖက်က အနိုင်ရမယ်ဆိုတဲ့ အတွေးအခေါ်ကို ချန်ထားခဲ့ဖို့ လိုတယ်လို့လည်း ဘိရှော့က သတိပေးခဲ့ပါတယ်။ မြန်မာနိုင်ငံမှာ ၂၀၂၁ ခုနှစ်တုန်းက စစ်တပ် အာဏာသိမ်းပြီး ဒေါ်အောင်ဆန်းစုကြည် ဦးဆောင်တဲ့ အရပ်သား ဒီမိုကရေစီ အစိုးရကို ဖယ်ရှားခဲ့ချိန် ကတည်းက ဆိုးရွားလှတဲ့ နိုင်ငံရေး၊ စစ်ရေး အကျပ်အတည်းတွေနဲ့ ကြုံတွေ့နေရပါတယ်။ ဩစတြေးလျ နိုင်ငံခြားရေး ဝန်ကြီးဟောင်း ဘိရှော့ဟာ ဧပြီလမှာ ကုလသမဂ္ဂရဲ့ မြန်မာနိုင်ငံဆိုင်ရာ အထူးကိုယ်စားလှယ် ရာထူးကို လက်ခံယူခဲ့တာ ဖြစ်ပါတယ်။ ဘိရှော့က သူဟာ ထုတ်ပြန်ကြေညာခြင်း မရှိတဲ့ နေပြည်တော် ခရီးစဉ် တစ်ခုကို သွားရောက်ခဲ့ပြီး မင်းအောင်လှိုင်နဲ့ တွေ့ဆုံ ဆွေးနွေးခဲ့တယ်လို့ ပြောပါတယ်။ ဒါပေမဲ့ အသေးစိတ် အကြောင်းအရာတွေကိုတော့ သူက ထုတ်မပြောခဲ့ပါဘူး။ အဲဒီ ဆွေးနွေးမှု ဘယ်အချိန်က ဖြစ်မြောက်ခဲ့သလဲ ဆိုတာကိုလည်း မသိရပါဘူး။ ဘိရှော့က…
အီယိုရီ/People’s Spring ဗြိတိန်သည် မြန်မာစစ်တပ်အား လေကြောင်းလောင်စာဆီနှင့် စက်ကိရိယာများ ပံ့ပိုးပေးနေသည့် အဖွဲ့အစည်းများကို ပစ်မှတ်ထားပိတ်ဆို့အရေးယူကြောင်း ယနေ့(အောက်တိုဘာ ၂၉ရက်) ကြေညာလိုက်သည်။ ဗြိတိန်အစိုးရသည် Asia Sun Group Company Limited၊ Swan Energy Company Limited၊ Myan-Oil Company Limited၊ Rich Ray Trading Company Limited၊ Progress Technology Support Company Limited (a.k.a Royal Shune Lei) စသည့် ကုမ္ပဏီငါးခုကို ပိတ်ဆို့အရေးယူခဲ့ခြင်းဖြစ်သည်။ “နိုင်ငံတဝှမ်းမှာ ဖြစ်ပွားနေတဲ့ မြန်မာစစ်တပ်ရဲ့ အရပ်ဘက်ဆိုင်ရာအခြေခံအဆောက်အအုံများကိုလေကြောင်းတိုက်ခိုက်မှုတွေအပါအဝင် လူ့အခွင့်အရေး ချိုးဖောက်မှုတွေဟာ လက်ခံနိုင်ဖွယ် မရှိပါ။ အပြစ်မဲ့ အရပ်သားတွေအပေါ် ထိခိုက်ခြင်းဟာလည်း သည်းခံနိုင်ဖွယ်မဟုတ်ပါ” ဟု အင်ဒို-ပစိဖိတ်ရေးရာဝန်ကြီး Catherine West က ပြောသည်။ ၂၀၂၄ ခုနှစ် ဩဂုတ်လအတွင်း မြန်မာစစ်တပ်၏ လေကြောင်းတိုက်ခိုက်မှုများဟာ အကြိမ်အရေအတွက် အများဆုံးမှတ်တမ်းတင်ခဲ့ပြီး အရပ်သားစုစုပေါင်း ဒါဇင်နှင့်ချီ သေဆုံးခဲ့ရသည်။ “ဒါကြောင့် ဒီနေ့ ယူကေဟာ မြန်မာစစ်တပ်ဆီသို့ ပစ္စည်းကိရိယာများနဲ့ လေကြောင်းလောင်စာများ ဖြန့်ဖြူးရောင်းချနေသူတွေကို ပစ်မှတ်ထားတဲ့ ပိတ်ဆို့အရေးယူမှုအသစ်တွေ ထုတ်ပြန်လိုက်ခြင်း ဖြစ်ပါတယ်။ ကျွန်မတို့ရဲ့ မိတ်ဖက်များဖြစ်တဲ့ အီးယူနဲ့ ကနေဒါနိုင်ငံနဲ့အတူ စစ်တပ်ရဲ့ ရန်ပုံငွေ၊ ပစ္စည်းကိရိယာများနဲ့ အရင်းအမြစ်များ ရယူသုံးစွဲခွင့်ကို ပိုမိုကန့်သတ်လိုက်ခြင်းဖြစ်ပါတယ်” ဟု အင်ဒို-ပစိဖိတ်ရေးရာဝန်ကြီးက ဆိုသည်။ ယခုချမှတ်လိုက်သော ပိတ်ဆို့မှုများသည် မြန်မာစစ်တပ်အပေါ် ဖိအားတိုးများစေမည်ဖြစ်ပြီး မြန်မာပြည်သူပြည်သားများနှင့် ၎င်းတို့…
အိမ်သွင်/People’s Spring အမ်းမြို့သိမ်းတိုက်ပွဲအတွင်း အနောက်ပိုင်းတိုင်းစစ်ဌာနချုပ်(နပခ)အပြင် စစ်ကောင်စီစခန်းများအားလုံးကို အာရက္ခတပ်တော်( AA)က ပိတ်ဆို့ထားပြီး အမ်း-ပဒါန်းလမ်းကိုလည်း AAကထိန်းချုပ်ထားကြောင်း ဒေသခံများကပြောသည်။ စက်တင်ဘာလ ၂၆ရက်နေ့ကစတင်ခဲ့သည့် အမ်းမြို့သိမ်းတိုက်ပွဲသည် ယခုရက်ပိုင်း အလွန်ပြင်းထန်နေပြီး စစ်ကောင်စီ၏ထွက်ပေါက်များအားလုံးကို AAက ပိတ်ဆို့ထားပြီဖြစ်ကြောင်း ဒေသခံတဦးကပြောသည်။ “ဒီကနေ့ အပြင်းထန်ဆုံးကတော့ ၉၁၉ တပ်ဘက်မှာ။ (၉၁၉ စစ်မြေပြင်အင်ဂျင်နီယာတပ်ရင်း)။အဲ့တပ်ကစစ်ကောင်စီတပ်သားတွေ ကစဥ့်ကလျားပဲထွက်ပြေးနေရတယ်။စစ်တပ်က နပခထဲကို ဟက်စကီးတွေနဲ့ လူတွေထပ်ချတယ်။အဓိက ကစစ်ကောင်စီ ချောင်ပိတ်သွားတဲ့အနေအထားပါ”ဟု မြို့ခံတဦးကပြောသည်။ အနောက်ပိုင်းတိုင်းစစ်ဌာနချုပ် အခြေစိုက်သည့်အမ်းမြို့နယ်တွင် ခြေမြန်တပ်ရင်းများဖြစ်သည့် ခမရ(၃၇၁)၊( ၃၇၂)၊(၃၇၃)(၃၇၄)အမြောက်တပ်ရင်း၊ အမှတ်၂ ကုတင် ၃၀၀စစ်ဆေးရုံ၊ အမှတ် (၉၄၆) ဆောက်လုပ်ရေး အင်ဂျင်နီယာတပ်ခွဲ၊ အမှတ် (၃၄၅) စက်လက်နက်ပစ္စည်းတပ်ခွဲ၊ စစ်ဖက်ရေးရာလုံခြုံရေးတပ်ဖွဲ့ (နပခ)၊ အမှတ်(၈) အဆင့်မြင့်ဆက်သွယ်ရေးတပ်ရင်း၊အမှတ် (၉၂၆)ထောက်ပံ့နှင့် ပို့ဆောင်ရေးတပ်ခွဲ၊ အမှတ်(၉၁၉) စစ်မြေပြင်အင်ဂျင်နီယာတပ်ရင်း၊ အမ်းတောင်အုပ်စုတွင် အမှတ် ၇၅၇ အလုပ်ရုံတပ်ခွဲ (လျှပ်စစ်)၊ အမှတ် ၁၀ တပ်ထိန်းတပ် စသည့် အခြေစိုက်တပ်ဖွဲ့များ ရှိသည်။ ထို့အပြင် စစ်ကိုင်းတိုင်း၊ ကလေးမြို့အခြေစိုက် ခြေမြန်တပ်ရင်း(၃၆၂)၊(၃၆၅)၊(၃၆၉)တို့ကိုလည်း စစ်ကောင်စီကထပ်မံဖြည့်တင်းထာပြီးခုခံနေဟု ရခိုင်စစ်ရေးလေ့လာသူ တစ်ဦးကဆိုသည်။ AAက တရားဝင်သတင်းထုတ်ပြန်ထားခြင်းမရှိသေးသော်လည်း ခမရ(၃၇၁)၊( ၃၇၂)၊(၃၇၃)တို့ကို AAက တိုက်ခိုက်ထိန်းချုပ်ခဲ့ရာ ယင်းတပ်ရင်းများမှစစ်ကောင်စီတပ်ဖွဲ့ဝင်များ ဆုတ်ခွာ၍ နပခ၌ သွားရောက်ပူးပေါင်းနေသည်ဟု ဒေသခံစစ်ရေးသတင်းရင်းမြစ်ကပြောသည်။ တိုက်ပွဲများမှာမြို့နှင့်ပိုမိုနီးကပ်လာပြီး စစ်ကောင်စီက စစ်ကူ ၊ရိက္ခာနှင့် ခဲယမ်းများကိုလေကြောင်းမှဖြည့်တင်း၍ ခုခံနေပြီး လေကြောင်းမှ တိုက်ခိုက်၍ ပစ်ကူပေးနေသည့်ကြားမှ AA ကအပြင်းအထန်ထိုးစစ်ဆင်နေခြင်းဖြစ်ကြောင်းစစ်ရေးသတင်းရင်းမြစ်အချို့ကပြောသည်။ အောက်တိုဘာ ၂၇ ရက်တိုက်ပွဲတွင် နပခကို…
ကယန်းလူထုအခြေပြု လက်နက်တော်လှန်ရေးတပ်များစုစည်း၍ ကယန်းအမျိုးသားတပ်မတော်(KNA)ကို ယနေ့ ၂၀၂၄ခုနှစ်၊ အောက်တိုဘာလ(၂၉)ရက်နေ့တွင် တပ်ရင်း(၈)ရင်းဖြင့် ဖွဲ့စည်းလိုက်ကြောင်း သိရသည်။ ကယန်းအမျိုးသားတပ်မတော်(KNA)ကို အခြေခံမူ(၉)ချက်၊ အမျိုးသားရည်မှန်းချက် (၅)ချက်ဖြင့် ဖွဲ့စည်းထားပြီး ကယန်းဒေသအတွင်းရှိ တော်လှန်ရေးတွင် ဦးဆောင်ပါဝင်နေသော ပုဂ္ဂိုလ်များဖြင့် ကော်မတီတစ်ရပ် ဖွဲ့စည်းကာ ဦးဆောင်သွားမည်ဖြစ်ကြောင်း သိရသည်။ ကယန်းအမျိုးသားတပ်မတော်(KNA)သည် လွိုင်ကော်၊ ဒီးမော့ဆို၊ မိုးဗြဲ၊ ဖယ်ခုံနှင့် အခြား ကယန်းဒေသရှိ ပြန့်ကျဲနေသော ကယန်းလက်နက်ကိုင်တပ်ဖွဲ့တို့ကို တစုတစည်းတည်း ပြန်လည်ပေါင်းစည်းပြီး စစ်ကောင်စီကို တိုက်ပွဲဝင်သွားမည်ဖြစ်ကြောင်း သိရသည်။ ကယန်းအမျိုးသားတပ်မတော်(KNA)အနေဖြင့် စစ်ကောင်စီကို တိုက်ခိုက်နေသည့် မည်သည့် တော်လှန်ရေးအင်အားစု လက်နက်ကိုင်နှင့်မဆို အတူလက်တွဲပြီး တိုက်ပွဲဝင်သွားမည် ဟုဆိုသည်။ ကယန်းအမျိုးသားတပ်မတော်(KNA)သည် NUG အစိုးရကို ပြည်ထောင်စုအစိုးရအဖြစ် အသိအမှတ်ပြုပြီး စစ်အာဏာရှင်အမြစ်ပြတ်ချေမှုန်းရေးအတွက် ပူးပေါင်းတိုက်ပွဲဝင်သွားမည်ဖြစ်ကြောင်း ထုတ်ပြန်ထားသည်။ https://t.me/TachileikNewsAgency/57254 Photo: Progressive Karenni People Force – PKPF ဆက်လက်ဖတ်ရှုရန်
ရောင်နီ (မဇ္ဈိမ) မကြာခင်ရုံတင်မည့် ဂျစ်ကားစီးဖူးသလား ဂျားကစ်စာဘူးသရီးရုပ်ရှင်ကားအား လူမှုကွန်ရက်တွင် ဝေဖန်ခဲ့သည့် ကိုရှိုင်းထက်အောင် (ခေါ် ) ဟာဆယ်ယွန်အား အရပ်ဝတ်လူအချို့က ဖမ်းဆီးခေါ်ဆောင်သွားပြီး ပျောက်ဆုံးနေကြောင်း မိသားစုနှင့်နီးစပ်သူများနှင့် သူ၏ မိတ်ဆွေအချို့က မဇ္ဈိမကို ပြောသည်။ ဟာဆယ်ယွန်အမည်ဖြင့် လူမှုကွန်ရက်အသုံးပြုသည့် အသက် ၃၃နှစ်အရွယ် အိန္ဒိယနွယ်ဖွား ကိုရှိုင်းထက်အောင်သည် အောက်တိုဘာလ ၂၆ ရက်နေ့ မွန်းလွဲပိုင်းတွင် မိသားစုနှင့်အဆက်အသွယ် ပြတ်တောက်သွားခြင်းဖြစ်သည်။ မရမ်းကုန်းမြို့နယ်၊ခဝဲခြံမျက်မမြင်ကျောင်းအနီး၌ အရပ်ဝတ်လူနှစ်ဦးက Town Ace အမျိုးအစား ကားအဖြူပေါ်မှဆင်းလာပြီး ဖမ်းချုပ်ကာ မျက်နှာအဝတ်အုပ်ပြီး ကားပေါ်သို့ ဆွဲတင်သွားသည်ကို တွေ့လိုက်သူရှိကြောင်း ဖြစ်စဉ်ကိုသိရှိထားသူတဦးက ပြောသည်။ “ မျက်မမြင်ခဝဲကျောင်းမှာ အသံလှူဖို့ဆိုပြီး ရောက်နေတဲ့အချိန် ဖုန်းတလုံးဝင်လာလို့ ဖုန်းပြောမယ်ဆိုပြီး ခဏအပြင်ထွက်သွားတာကနေ ပြန်ကိုမလာတာ။ ပျောက်တဲ့အချိန်ကျနော်တော့မရှိနေဘူး။ ဒါပေမယ့် သူဆွဲခေါ်ခံရတာကို တွေ့သူရှိလိုက်ပါတယ်” ဟု ၎င်းက ပြောသည်။ ကိုဟာဆယ်ယွန်ပျောက်ဆုံးသွားသည့်အောက်တိုဘာလ ၂၆ ရက် မွန်းလွဲ ၁ နာရီကျော်ခန့်မှစ၍ ယင်းနေ့ညနေ ၄ နာရီအချိန်အထိ ၎င်း၏ လက်ကိုင်ဖုန်းဖွင့်ထားသော်လည်းည ၇ နာရီဝန်းကျင်တွင် ဖုန်းစက်ပိတ်သွားကြောင်း၊ လက်ရှိတွင် လှိုင်နှင့်မရမ်းကုန်းမြို့မရဲစခန်းတွင် လူပျောက်တိုင်ထားကြောင်း မိသားစုနှင့် နီးစပ်သူတဦးက ပြောသည်။ ၎င်းက “ မိသားစုက လူပျောက်တိုင်ထားပါတယ်။ နယ်ထိန်းနဲ့လည်း ဆက်ရှာနေပါတယ်။ မတွေ့သေးပါဘူး” ဟု ပြောသည်။ ကိုဟာဆယ်ယွန်ပျောက်ဆုံးနေကြောင်းနှင့် ၎င်းကို တွေ့ရှိသူများအနေဖြင့် ဆက်သွယ်ပေးကြရန် မေတ္တာရပ်ခံထားသည့် ပို့စ်ကိုလည်း လူမှုကွန်ရက်သုံးစွဲသူအချင်းချင်း မျှဝေအကူအညီတောင်းထားကြသည်။ကိုဟာဆယ်ယွန်သည် စစ်ကောင်စီ စစ်ကြောရေး၌ရောက်နေကြောင်း လာရောက် သတင်းပေးသူတဦး…
▪️ထန်တလန်တိုက်ပွဲ ဆက်လက်ပြင်းထန်၊ စစ်ကောင်စီ လေကြောင်းမှရိက္ခာပို့ပေး ဟန်နွေ/People’s Spring ချင်းပြည်နယ် ဟားခါး-ထန်တလန်မြို့နယ်ကြား ကမ်တလန်း(Kiamtlang)ဒေသရှိ စစ်ကောင်စီတပ်စခန်းအပါအဝင် စခန်းအချို့ကို ချင်းပြည်ကောင်စီ ချင်းပြည်အစိုးရကာကွယ်ရေးတပ်ဖွဲ့များက တိုက်ခိုက်သိမ်းပိုက်ခဲ့ကြောင်း ချင်းသတင်းရင်းမြစ်က ပြောသည်။ အောက်တိုဘာ ၂၈ရက် စစ်ရေးအခြေအနေကို မေးမြန်းရာ ဟားခါးမြို့၌ တိုက်ပွဲပြင်းထန်ခဲ့သည်ဟု ၎င်းက ပြောသည်။ ” ကမ်တောင်းပေါ့။ ဒေသဘာသာစကားနဲ့ဆိုရင် ကမ်တလန်းလို့ခေါ်တယ်။ အဲဒီမှာရှိတဲ့ စကစ ယာယီစခန်း ချင်းပြည်အစိုးရတပ်ဘက်က သိမ်းပိုက်နိုင်ခဲ့တယ်။ ပြီးရင် စကစ နေရာယူထားတဲ့ ရယ်အူးထန်းလို့ခေါ်တယ်။ အဲဒါလည်း သိမ်းပိုက်နိုင်ခဲ့တယ်။ နှစ်နေရာပေါ့။ ဟားခါးနဲ့ နီးစပ်တယ်။ဟားခါး – ထန်တလန်ကြားတော့ဖြစ်တယ်။ အဲဒီဘက်က နှစ်နေရာကို ကျနော်တို့ချင်းပြည်တပ်တွေက သိမ်းပိုက်နိုင်ခဲ့တာပါ”ဟု ချင်းသတင်းရင်းမြစ်က ပြောသည်။ ထို့အပြင် ထန်တလန်မြို့တွင်လည်း တိုက်ပွဲပြင်းထန်နေပြီး စစ်ကောင်စီက လေကြောင်းမှ ရိက္ခာခဲယမ်း ဖြည့်တင်းမှုရှိသည်ဟု ဆိုသည်။ အောက်တိုဘာ ၂၈ရက်တွင် ထန်တလန်မြို့ရှိ စစ်ကောင်စီ လက်ကျန် တပ်ဖွဲ့များထံ ရိက္ခာခဲယမ်းများ Y12 လေယာဉ်ဖြင့် ဖြည့်တင်းမှု ရှိသည်ဟု သတင်းရင်းမြစ်က ပြောသည်။ ” ထန်တလန်ကတော့တိုက်ပွဲ အကြီး၊အငယ်ရှိပါတယ်။ စကစကလည်း သူတို့ တပ်ကုန်း ပြန်လည်ရရှိဖို့ ထိုးစစ်ဆင်တာရှိပါတယ်။ ကျနော်တို့ဘက်က ခုခံတာ အဲဒါမျိုးနဲ့ တိုက်ပွဲရှိပါတယ်”ဟု ချင်းသတင်းရင်းမြစ်က ပြောသည်။ ချင်းအမျိုးသားတပ်မတော်(CNA)၊ ချင်းဒေသကာကွယ်ရေးတပ်(CDF) တပ်များစုဖွဲ့ထားသည့် ချင်းပြည်ကောင်စီ တပ်ပေါင်းစုသည် ထန်တလန်မြို့သိမ်းပိုက်နိုင်ရေး ဇူလိုင်ကတည်းက ထိုးစစ်ဆင်နေခြင်းဖြစ်ပြီး စစ်ကောင်စီဘက်ကလည်း ဆုံးရှုံးထားသည့် တပ်စခန်းများ ပြန်လည် ရရှိရေး အင်အားဖြည့်ထိုးစစ်ဆင်လျက်ရှိသည်။ (ချင်းပြည်ကောင်စီ…